Ozbek-Tariyx-1-70-(каракалпак). indd

Ózbekstan — Hindstan
. Hindstan Ózbekstannıń belgili strategiyalıq 
sheriklesi. 1992-jılı martta Tashkentte Ózbekstan hám Hindstan 
ortasında diplomatiyalıq qatnasıqlardıń ornatılıwı haqqındaǵı protokolı 
tastıyıqlandı. 2016-jılǵa shekem Ózbekstan Respublikasınıń Birinshi 
Prezidenti Islam Karimov Hindstanǵa bes mártebe saparda boldı hám 
birinshi rásmiy sapar 1991-jıldıń avgustında ámelge asırılǵan edi. 1993-
jılı mayda Hindstan Bas ministri Narasimxa Rao mámleketlik saparı 
menen Ózbekstanda boldı. Sapar kúnlerinde «Ózbekstan Respublikası 
menen Hindstan Respublikası ortasında mámleketler aralıq qatnasıqlar 
hám birge islesiw principleri haqqında» shártnama, sawda-ekonomikalıq 
birge islesiw haqqında hám basqa kelisimler tastıyıqlandı. Ózbekstan
Respublikasınıń Birinshi Prezidenti Islam Karimovtıń 1993-jılǵı 
Hindstanǵa rásmiy saparı waqtında eki el ortasında ekonomikalıq, 
sawda hám ilimiy-texnikalıq birge islesiw haqqında bir qatar kelisimler 
tastıyıqlandı. 2006-jılı Hindstan Bas ministri M.Singxtiń Ózbekstanǵa 
rásmiy saparı, Ózbekstan Respublikası Prezidentiniń 2011-jılı may 
ayında Hindstanǵa bolǵan mámleketlik saparı hám 2015-jılı iyunde 
Hindstan Bas ministri Narendra Modidiń Ózbekstanǵa rásmiy saparı 
birge islesiw qatnasıqların jáne de joqarı basqıshqa kóterdi. Ózbekstan 
hám Hindstan ortasında óz ara mápdarlıq baylanıslarǵa xızmet etiwshi 

---

126
40 ǵa jaqın hújjetler qabıllanǵan bolıp, olardıń arasında eń áhmiyetlisi 
— eki mámleket qatnasıqların sapa jaǵınan jańa dárejege kóteriwge 
qaratılǵan Strategiyalıq sheriklik haqqındaǵı Birgeliktegi bildiriwi bolıp 
esaplanadı. Házirgi kúnde Ózbekstan aymaǵında Hindstan investiciyası 
qatnasıwında dúzilgen 60 tan artıq kárxana xızmet kórsetpekte.
Este saqlań
!
Diplomatiyalıq qatnasıqlar ornatılǵannan baslap ótken dáwir 
ishinde Ózbekstan Respublikası hám Koreya Respublikası ortasında 
12 mártebe joqarı dárejedegi ushırasıwlar bolıp ótti.