Ozbek-Tariyx-1-70-(каракалпак). indd

20-tema.
 Ózbekstannıń Yaponiya, Hindstan hám Koreya Respublikası 
menen eki tárepleme qatnasıqlarınıń rawajlanıwı 
Ózbekstan — Yaponiya
. Ózbekstan óziniń shıǵıs baǵdardaǵı sırtqı 
siyasatında Aziya materiginiń Yaponiya, Hindstan hám Koreya 
Respublikası sıyaqlı elleri menen mámleketler aralıq qatnasıqlar hám 
mápdarlıq birge islesiw baylanısların bekkemlewge ayrıqsha itibar berdi.
1992-jılı yanvarda ornatılǵan diplomatiyalıq qatnasıqlar, 1994-jıl 
may, 2002-jılı iyul hám 2011-jılı fevralda Yaponiyada hám de 2006-
jılı avgustta Ózbekstanda bolıp ótken mámleket basshıları ortasındaǵı 
joqarı dárejedegi ushırasıwlar eki el ortasındaǵı paydalı hám doslıq 
baylanıslarǵa jańasha mazmun-máni baǵıshladı. Atap aytqanda, 
Ózbekstan Respublikasınıń Birinshi Prezidenti Islam Karimovtıń 2002-
jılı Yaponiyaǵa saparı sheńberinde Bas ministr Junitiro Koidzumi menen 
ushırasıwında óz ara doslıq, strategiyalıq sheriklik hám birge islesiw 
haqqındaǵı Birgeliktegi bildiriwi tastıyıqlandı. Usı bildiriw táreplerdiń 
házirgi zaman xalıqaralıq qatnasıqlardaǵı kóplegen mashqalalar boyınsha 
?

---

125
kózqarasları hám qatnasıqlarınıń uqsaslıǵı, sonday-aq, olardıń eki 
eldiń kóp tárepleme birge islesiwin jáne de keńeyttiriwge umtılıwların 
tastıyıqlawshı rásmiy hújjet bolıp qaldı. 2004-jılı Tokiodaǵı Soka 
universiteti aymaǵında ullı ózbek oyshılı Alisher Nawayıǵa estelik 
ornatıldı
.
Ózbekstan Prezidentiniń 2011-jılı fevralda Yaponiyaǵa bolǵan 
náwbettegi rásmiy saparı dawamında joqarı texnologiyalar tara-
wında qánigelesken iri kompaniyalar menen yapon texnologiyaları 
hám investiciyaların Ózbekstannıń neft-gaz, ximiya, energetika, 
mashinasazlıq hám toqımashılıq sanaatı sıyaqlı tez rawajlanıp atırǵan 
tarawlarına tartıwǵa qaratılǵan bir qatar kelisimler dúziwge erisildi.
2015-jılı oktyabrde Yaponiya Bas ministri Sindzo Abeniń 
Ózbekstanǵa saparı dawamında Ózbekstan hám Yaponiya ulıwma 
qunı 8,5 mlrd. dollardan kóbirekti quraytuǵın birgeliktegi joybarlardı 
ámelge asırıwǵa kelisip alındı.