Ozbek-Tariyx-1-70-(каракалпак). indd

 
Este saqlań
!
2017-jıldıń ózinde shet mámleketler menen 60 mlrd. dollarlıq 
shártnamalar tastıyıqlan
ǵ
an bolsa, sonıń 35% i, ya
ǵ
nıy 23 mlrd. 
dolları Qıtay úlesine tuwra keledi. 

---

122
Ózbekstan — AQSh
. Ózbekstan menen Amerika Qurama Shtatları 
ortasında mámleketler aralıq baylanıslar ǵárezsizliktiń dáslepki jıl-
larınan-aq jolǵa qoyıldı. 1992-jılı fevralda AQSh mámleketlik xatkeri 
Ózbekstanda rásmiy saparda boldı hám eki mámleket ortasında 
diplomatiyalıq baylanıslar ornatıldı. 1992-jılı martta Tashkentte birinshi 
bolıp AQShtıń elshixanası ashıldı. Ózbekstan Respublikasınıń Birinshi 
Prezidenti Islam Karimovtıń 1996-jılı iyunde AQShta bolıwı Ózbekstan 
hám Amerika qatnasıqların jańa basqıshqa kóterdi. Islam Karimov AQSh 
Prezidenti Bill Klinton menen ushırastı. Eki el ortasındaǵı qatnasıq-
lardı tereńlestiriw, tárepler mápine tiyisli bolǵan siyasiy, ekonomikalıq, 
qáwipsizlik máseleleri dodalandı. Bill Klinton AQSh basshılıǵı Oray-
lıq Aziya elleriniń ǵárezsizligi, turaqlılıǵı hám rawajlanıwınan mápdar 
ekenin, Ózbekstan menen qalıń qatnasıqlar ornatıwdı qálewin, Ózbek-
stannıń tezirek dúnya keń jámiyetshiligine integraciyalasıwı jolında 
járdem beriwin aytıp ótti.
1996-jılı Ózbekstannıń AQShtaǵı elshixanası ashıldı. Ózbekstan 
mámleketi delegaciyasınıń AQShta bolıwı shet el investiciyası ushın 
respublikada jaratılǵan shárt-sharayatlar haqqındaǵı málimleme jetis-
pewshiligin saplastırdı.