Ozbek-Tariyx-1-70-(каракалпак). indd

Ózbekstan — Túrkmenstan. 
1991-jılı Ózbekstan hám Túrkmenstan 
Prezidentleri ushırasıwında Ózbekstan Respublikası menen Túrkmen-
stan Respublikası ortasında doslıq hám birge islesiw haqqında shárt-
nama tastıyıqlanǵan. Ózbekstan Respublikasınıń Birinshi Prezidenti 
Islam Karimov 1996-jılı yanvarda ámeliy sapar menen Túrkmenstanda 
boldı. Chorjow qalasında S.Niyozov penen I.Karimov ortasında hám 
eki el delegaciyaları ortasında sóylesiwler boldı. Prezidentler Ózbekstan 
menen Túrkmenstan ortasında doslıq, birge islesiw hám óz ara járdem 
haqqındaǵı shártnamanı, Ózbekstan menen Túrkmenstan ortasında 
mámleketlik shegarasın qorǵawda birge islesiw haqqındaǵı hám suw 
xojalıǵı máseleleri boyınsha bir qatar kelisimler tastıyıqladı. 1991-jıldan 
2016-jılǵa shekem eki mámleket basshılarınıń 11 márte joqarı dárejedegi 
saparları ámelge asırıldı. Ózbekstan hám Túrkmenstan ortasındaǵı keń 
kólemli birge islesiwge baylanıslı áhmiyetli baǵdarlardı qamtıp alǵan 
mámleketler aralıq, húkimetler aralıq hám vedomstvolar aralıq dárejede 
tastıyıqlanǵan 150 den artıq xalıqaralıq shártnamalar eki mámleket 
qatnasıqlarınıń bekkem huqıqıy tiykarı bolıp xızmet etpekte.
Elimizde 2001-jılı shólkemlestirilgen Respublika túrkmen mádeniyat 
orayı xızmet júrgizbekte. Búgingi kúnde Ózbekstan aymaǵında túrkmen 
milletine tiyisli derlik 170 mıń xalıq jasap, 44 mektepte túrkmen 
tilinde tálim almaqta. Túrkmenstan Prezidenti Gurbanguli Berdimu-
hammedovtıń 2014-jılı may ayında elimizge rásmiy saparı waqtında 
Este saqlań
!
2017-jılı aprelde Dushanbede eki tárepleme qatnasıqlar tariy-
xında dáslepki ret Ózbekstanda islep shıǵarılǵan ónimlerdiń keń 
kólemli kórgizbesi bolıp ótti. May ayınıń basında bolsa tájik-
ózbek qatnasıqları tariyxında birinshi ret Tájikstanda Ózbekstan 
mádeniyatı kúnleri ótkerildi.

---

119
Ózbekstan — Túrkmenstan birge islesiwin jáne de rawajlandırıw má-
selesinde bir qatar eki tárepleme hújjetler tastıyıqlandı.
2017-jılı Shavkat Mirziyoev Túrkmenstan Prezidenti Gurbanguli 
Berdimuhammedov usınısı menen 2 márte (mart, may ayları) Túrk-
menstanda saparda boldı. Sapar dawamında bir qatar kelisimlerge erisildi. 
2017-jılı mart ayındaǵı sóylesiwler juwmaǵında prezidentler Ózbekstan 
menen Túrkmenstan ortasında Strategiyalıq sheriklik haqqındaǵı 
shártnamanı tastıyıqladı. Eki mámleket ministrlik hám vedomstvolar 
ortasında ekonomika, awıl xojalıǵı hám ximiya sanaatı, temir jol 
transportı, mádeniy-gumanitarlıq salalardaǵı birge islesiw, aymaqlar 
aralıq baylanıslardı rawajlandırıwǵa tiyisli bir qatar hújjetler tastıyıqlandı.
Este saqlań
!
2017-jıl 6–7-mart kúnleri Ózbekstan Respublikası Prezidenti 
Shavkat Mirziyoev rásmiy sapar menen Túrkmenstanda boldı. 
Bul Shavkat Mirziyoevtiń Prezident sıpatında shet mámleketlerge 
dáslepki rásmiy saparı esaplanadı.