Ozbek-Tariyx-1-70-(каракалпак). indd

Ózbekstan — Qazaqstan. 
Ózbekstannıń Qazaqstan menen eki tá-
repleme qatnasıqları 1992-jılı iyunde Túrkstan qalasında Ózbekstan 

---

115
Prezidentiniń Qazaqstanǵa rásmiy saparı payıtında N. Nazarbaev 
penen I.Karimov tárepinen tastıyıqlanǵan Ózbekstan Respublikası 
menen Qazaqstan Respublikası ortasında doslıq hám birge islesiw 
haqqındaǵı shártnama tiykarında bekkemlenip bardı. Qazaqstan 
Prezidenti N.Nazarbaev 1994-jılı yanvarda rásmiy mámleketlik saparı 
menen Ózbekstanda boldı. Eki Prezident Ózbekstan menen Qazaqstan 
ortasında tovarlar, xızmetler, investiciyalar hám isshi kúshlerdiń erkin 
ótip turıwın názerde tutıwshı hám de óz ara kelisilgen kredit, esap-
kitap, byudjet, salıq, nırq, bajı hám valyuta siyasatın támiyinlew 
haqqında shártnamanı tastıyıqladı. 1998-jılı oktyabrde Ózbekstan 
hám Qazaqstan ortasında máńgi doslıq shártnaması tastıyıqlandı. 
Ózbekstan hám Qazaqstan Prezidentleriniń Tashkentte 2000-jılı bolǵan 
ushırasıwında eki mámleket shegaraların anıq belgilep alıwǵa arnalǵan 
ushırasıwı boldı. Sóylesiwler juwmaǵında «Ózbekstan Respublikası 
Prezidenti hám Qazaqstan Respublikası Prezidentiniń birgeliktegi 
bildiriwi» tastıyıqlandı.
2001-jılı Ózbekstan Respublikası Birinshi Prezidenti I. Karimov 
rásmiy sapar menen Qazaqstanda boldı. Eki mámleket Prezidentleri 
Ózbekstan — Qazaqstan mámleketlik shegarası haqqında Shártnamanı 
tastıyıqladı. 2440 km uzınlıqtaǵı Ózbekstannıń Qazaqstan menen 
shegarasınıń 96 % belgilep alındı. Qalǵan bólimin kelisim tiykarında 
delimitaciyalawǵa kelisildi. 2002-jılı Ózbekstan Prezidenti Astana 
qalasında saparda boldı. «Ózbekstan — Qazaqstan mámleket shegara-
larınıń ayrıqsha uchastkaları haqqında pitim» tastıyıqlandı hám 
eki el ortasındaǵı shegaraǵa tiyisli áhmiyetli máseleler huqıqıy tárep-
ten óz sheshimin taptı. Qazaqstan Ózbekstan ushın Oraylıq Aziyadaǵı 
áhmiyetli birge islesiwshilerden biri bolıp esaplanadı. 2013-jılı tastıyıq-
lanǵan Ózbekstan Respublikası menen Qazaqstan Respublikası ortasında 
Strategiyalıq sheriklik haqqındaǵı shártnama da oǵada áhmiyetli hújjetler 
qatarına kiredi. 2014-jılı Ózbekstan Respublikası Birinshi Prezidenti 
Islam Karimov rásmiy sapar menen Qazaqstan Respublikasında boldı. 
2017-jılı iyunde Shanxay Birge islesiw Shólkeminiń Astana sammiti 
múnásibeti menen Prezident Shavkat Mirziyoev Qazaqstanda boldı. 
2017-jılı sentyabrde Qazaqstan Prezidenti Nursultan Nazarbaev rásmiy 
sapar menen Ózbekstanǵa keldi. Ózbekstan hám Qazaqstan Prezidentleri 
ushırasıwınıń juwmaqları boyınsha bir qatar hújjetler tastıyıqlandı. 

---

116
Shavkat Mirziyoev Nursultan Nazarbaevtı «El-yurt hurmati» ordeni 
menen sıylıqladı.