Ozbek-Tariyx-1-70-(каракалпак). indd

Mámleketlik nıshanlarınıń qabıl etiliwi.
1991-jılı 15-fevralda Ózbekstan Oliy Ken-
gashi «Ózbekstannıń mámleketlik nıshanları 
haqqında» arnawlı qarar qabılladı. Qararda 
bılay delinedi: «Ǵárezsizlik haqqındaǵı 
Deklaraciyaǵa ámel etip Ózbekstan SSR 
Oliy Kengashi qarar etedi: Ózbekstan 
SSR Konstituciyası (Tiykarǵı Nızamı)nıń jańa joybarın tayarlawshı 
komissiyaǵa Ózbekstan SSRnıń Mámleketlik bayraǵı, Gerbi hám 
Gimnine tiyisli usınıslar hám de olar haqqında Ustavlar tayarlaw 
tapsırılsın. Komissiya respublika jámiyetshiligi hám deputatlardıń 
pikirlerine tayanıp is kórsin». 
Ózbekstan ǵárezsiz mámleket dep járiyalanǵan kúnniń ózinde-aq 
ǵárezsiz mámleketlik nıshanların engiziw boyınsha ámeliy ilajlar kórildi. 
Ózbekstan Respublikasınıń Mámleketlik bayraǵı haqqında, respublika 
gerbiniń nusqası hám Mámleketlik gimniniń muzıkalıq bayanı haqqında 
Mámleketlik bayraǵı

---

10
arnawlı qarar qabıl etildi. Onda Konstituciya 
komissiyasınıń ekspert toparına Mámleketlik 
bayraǵınıń variantları ústinde islewdi dawam 
ettiriw, Oliy Kengashtiń tiyisli komitetlerine 
Konstituciya komissiyası dóretiwshilik toparı 
menen birgelikte Mámleketlik bayraǵı, gimni 
haqqında nızam joybarların islep shıǵıp, gezek-
tegi sessiyaǵa usınıw tapsırıldı.
Ózbekstan Respublikası Oliy Kengashiniń 
1991-jıl 18-noyabrinde bolıp ótken VIII sessiyası 
«Ózbekstan Respublikasınıń Mámleketlik bayra-
ǵı haqqında»ǵı nızamdı qabılladı.
1992-jılı 2-iyulde Ózbekstan Respublikası 
Oliy Kengashiniń X sessiyasında «Ózbekstan 
Respublikasınıń Mámleketlik gerbi haqqında»ǵı 
nızamı qabıllandı.
Ózbekstan Respublikası Oliy Kengashiniń 
1992-jıl 10-dekabrinde bolıp ótken XI sessiyasında 
«Ózbekstan Respublikasınıń Mámleketlik gimni 
haqqında»ǵı nızam qabıl etildi. Sessiyada shayır 
Abdulla Aripov (1941—2016) hám kompozitor Mutal 
Burhanov (1916—2002) tárepinen tayarlanǵan gimn 
variantı tastıyıqlandı. 
Mámleketlik gerbi
Abdulla Aripov
Pikirlesiń!
Túrkiya Respublikasında Mámleketlik gimnin jazǵan shayırǵa 
«Milliy shayır» ataǵı berilgen. Gimn teksti avtorına bunday ataq 
beriliwi ne menen baylanıslı? Óz pikirińizdi bildiriń!