Ozbek-Tariyx-1-70-(каракалпак). indd

Soraw hám tapsırmalar:
1. 10-klasta qaysı dáwir tariyxı menen tanısqan edińiz?
2. 11-klass sabaqlıǵı qaysı dáwir tariyxın óz ishine aladı? Bul dáwirdiń 
ózi qanday basqıshlarǵa bólinedi?
3. Ǵárezsizlik dáwiriniń tiykarǵı ózgeshelikleri nelerden ibarat?
?

---

5
I BAP. 
ǴÁREZSIZLIKTIŃ JÁRIYALANÍWÍ HÁM ÓZBEKSTANDA 
JÁMIYETLIK-SIYASIY REFORMALARDÍŃ BASLANÍWÍ
1-tema.
 Ózbekstan Respublikası ǵárezsizliginiń qolǵa kirgiziliwi
 
Ǵárezsizlik Deklaraciyasınıń qabıl etiliwi.
1990-jıl 20-iyun kúni, 
Ózbekstan SSR Oliy Kengashiniń II sessiyasında Ózbekstan SSRnıń 
Ǵárezsizlik Deklaraciyası qabıl etildi.
Ǵárezsizlik Deklaraciyasındaǵı «Ózbekstannıń keleshegi ushın 
tariyxıy juwapkershilikti tereń sezingen halda, xalıqaralıq huqıq 
normalarına, ulıwma insanıylıq qádiriyatlarǵa hám demokratiyalıq 
principlerge tiykarlanıp, Ózbekstan SSRnıń Mámleketlik ǵárezsizligin 
járiyalaydı» degen qatarlar ǵárezsizlik ushın taslanǵan dáslepki qádemdi 
ańlatar edi. Usı Deklaraciyanıń qabıl etiliwi Ózbekstannıń ǵárezsizlik 
ushın gúresiniń jańa basqıshın baslap berdi. Bul ulıwma mámleketlik 
áhmiyetke iye bolǵan Deklaraciyanı qabıl etiwde respublika Oliy 
Kengashi deputatları belsendilik kórsetti. «Ǵárezsizlik Deklaraciyası» 
deputatlar tárepinen statyama-statya, hárbir millet óz táǵdirin ózi 
belgilewi, Deklaraciya norması menen kepillik beriliwi qayta-qayta aytıp 
ótildi. Onda ózbek xalqınıń ásirler dawamında qolǵa kirgizgen mám-
leket qurılısı hám mádeniy rawajlanıw boyınsha bay tariyxıy tájiriybesi 
hám dástúrleri esapqa alınıwı atap ótildi.