Ozbek-Tariyx-1-70-(каракалпак). indd

Ózbekstan Respublikası Oliy Majlisi.
Ǵárezsizlik qolǵa kirgizilgen 
dáslepki kúnlerden-aq Ózbekstanda demokratiyanı rawajlandırıw ushın 
házirgi zaman jáhán standartlarına juwap bere alatuǵın nátiyjeli hám 
issheń parlamentti qáliplestiriw zárúrligi júzege keldi.
Demokratiyalıq principler hám Ózbekstan Respublikası Konstitu-
ciyasınıń úshinshi principi — mámleketlik hákimiyatınıń úsh tarmaqqa 
bóliniwi kózqarasınan Ózbekstan mámleketlik hákimiyatı sisteması 
nızam shıǵarıwshı, atqarıwshı hám sud hákimiyatlarına bóliniwi 
nızamlastırıldı.
▼
Prezident
Oliy Majlis
Ministrler Kabineti
Sud
▼
▼
▼
Úsh hákimiyattan hárbiri xızmette ǵárezsiz bolıp, bir-biri menen tıǵız 
baylanıslı. Prezident hár úsh hákimiyat xızmetin muwapıqlastırıwshı 
ǵárezsiz organ bolıp esaplanadı. 

---

14
Ózbekstan Respublikası Oliy 
Majlisiniń imaratı
Parlamentarizmniń rawajlanıwı basqıshpa-basqısh ámelge asırıldı. 
Ózbek parlamentarizmi tariyxına názer salsaq, 1990—1994-jılları 
parlament Oliy Kengash atalıp, 150 deputattan ibarat edi. 
1995—2004-jılları Oliy Majlis dep atalǵan 250 deputattan ibarat bir 
palatalı parlament dúzildi. Bir mandatlı aymaqlıq saylaw okruglerinen 
saylanǵan deputatlar quramında Xalıq demokratiyalıq partiyasınan, 
«Adolat» social-demokratiyalıq partiyasınan, «Vatan taraqqiyoti» partiya-
sınan, «Milliy tiklanish» partiyasınan deputatlar bolıp, dáslepki ret parla-
ment frakciyaları dúzildi.
2005-jıldan baslap elimiz tariy-
xında dáslepki ret Ózbekstan Res-
publikası Oliy Majlisi eki palata-
dan — Nızamshılıq palatası (tómengi 
palata) hám Senattan (joqarı palata) 
ibarat túrde jumıs basladı. Bul 2002-
jılı 27-yanvarda ótkerilgen referen-
dum hám usı tiykarda qabıllanǵan 
«Ózbekstan Respublikası Oliy Majli-
siniń Senatı haqqında» hám «Ózbekstan Respublikası Oliy Majlisiniń 
Nızamshılıq palatası haqqında»ǵı Konstituciyalıq Nızamlar tiykarında 
ámelge asırıldı.