Ozbek-Tariyx-1-70-(каракалпак). indd

Este saqlań!
2017-jılı Ózbekstan Respublikası Prezidenti tárepinen 2 mıń 
700 sudlanıwshını, sonıń ishinde, jazanı ótew koloniyalarınan 956 
adam túrli jaǵdaylar sebepli jınayat islegen, qılmısınan shın kewlinen 
pushayman bolǵan, dúzeliw jolın tańlaǵan, jasaw ornı hám jazanı 
ótew mákemesinen unamlı sıpatlama alǵan shaxslardı elimiz 
tariyxında birinshi ret keshirim beriw haqqında párman qabıl etildi.
Ózbekstan Respublikası Prezidentiniń 2016-jılı 21-oktyabrdegi 
«Sud-huqıq sistemasın jáne de reformalaw, puqaralardıń huqıq 
hám erkinliklerin isenimli qorǵaw kepilliklerin kúsheyttiriw ilajları 
haqqında»ǵı pármanına muwapıq, sudyalıq lawazımına tayınlaw 
(saylaw) múddetlerine keskin anıqlıq kirgizildi. Yaǵnıy, sudyalıq 
lawazımına birinshi mártebe tayınlaw bes jılǵa, ekinshi mártebe — on 
jıl, keyingisinde múddetsiz tayınlaw (saylanıw) imkanı jaratıldı. Bul 
sudyalardıń jası, tájiriybesi, kásiplik sheberligin esapqa alǵan halda 
uzaǵıraq múddetke xızmet kórsetiwine kepillik beriledi.