Ozbek-Tariyx-1-70-(каракалпак). indd

Ózbekstan Respublikası Qurallı Kúshleri.
Elimiz ǵárezsizlikke erisken 
kúninen-aq Ózbekstan milliy mámleketshiligi, onıń aymaqlıq pútinligi, 
xalıqtıń tınısh hám paraxat turmısın támiyinlew mámleket siyasatınıń 
bas máselelerinen biri bolıp kún tártibine qoyıldı.
1991-jılı 19—21-avgust kúnleri burınǵı awqam paytaxtı Moskva 
qalasında júz bergen mámleketlik awdarıspaǵı sebepli elimiz qáwipli 
jaǵdayǵa kelip qaldı. Usınday jaǵdayda elimizdiń aymaqlıq pútinligi, 
xalıqtıń tınıshlıǵı hám paraxatshılıǵın qurallı qorǵaw jolında jańa 
qádemler qoyıldı. Ózbekstan Prezidentiniń 1991-jılı 25-avgusttaǵı 
pármanı tiykarında Ózbekstan Ishki isler ministrligi, Mámleketlik 
qáwipsizligi komitetiniń respublika ıqtıyarına ótiwi, SSSR Ishki 
isler ministrliginiń elimizdegi armiyaları Ózbekstan Prezidentine 
boysındırılıwı mine usınday birinshi qádemlerden boldı.
Ózbekstan Respublikası Prezidentiniń 1991-jılı 6-sentyabrdegi párma-
nına tiykarlanıp, Qorǵanıw isleri ministrligi dúzildi.

---

19
Ózbekstan Respublikası Oliy Kenga-
shi 1992-jılı 10-yanvarda «Ózbekstan 
Respublikası 
aymaǵında 
jaylasqan 
SSSR Ishki isler ministrliginiń áskeriy 
bólimleri hám oqıw mákemelerin 
Ózbekstan Respublikası ıqtıyarına alıw 
haqqında»ǵı hám 14-yanvarda «Ózbek-
stan Respublikası aymaǵında jaylasqan 
áskeriy bólimler hám áskeriy oqıw 
mákemeleri haqqında»ǵı qararların qabıl etti. Usı qararlarǵa muwapıq, 
burınǵı SSSR Qurallı Kúshleriniń respublika aymaǵında jaylasqan 
bólimleri, bólimsheleri, birlespeleri, áskeriy oqıw orınları, shólkemleri 
hám basqa áskeriy strukturaları nızamlı túrde Ózbekstan Respublikası 
yurisdikciyasına alındı. Bul qarar qabıl etilgen kún — 14-yanvar 
Ózbekstan Respublikasınıń 1993-jıldaǵı nızamına muwapıq «Watan 
qorǵawshıları kúni» dep járiyalandı.
1992-jılı Ózbekstan Respublikası Prezidentiniń pármanı menen 
Milliy qáwipsizlik xızmeti qaramaǵında Shegara áskerleri basqarması 
dúzildi.
Ózbekstan Respublikası Konstituciyasınıń 93-statyasına muwapıq 
Prezident Qurallı Kúshlerdiń Joqarı Bas Sárkardası esaplanadı.
1995-jıldıń may ayında mámleket hám jámiyet qáwipsizligin 
támiyinlew maqsetinde Ózbekstan Respublikası Prezidenti janında 
Qáwipsizlik Keńesi dúzildi. Qáwipsizlik Keńesi Ózbekstan Respub-
likası Prezidenti janındaǵı másláhátlesiw uyımı esaplanadı. Ózbekstan 
Áskeriy ant