O’zbek filologiyasi kafedrasi jo’raeva gulrux alisherovna ulug’bek hamdam romanlarida ma’naviy-axloqiy muammolarning badiiy talqini

Nashr etilgan nasriy asarlari:
 “Yolg’izlik” qissa va hikoyalar, 1998 yil;
“Muvozanat” roman, 1997 yil;
“Isyon va itoat” roman, 2003 yil;
“Sabo va Samandar”, roman, 2008 yil;
“Uzoqdagi Dilnura”, qissa, hikoyalar va she’rlar, 2010 yil.
Nazmiy asarlari:
“Tangriga eltuvchi Isyon”, she’riy to’plam, 2001 yil;
“Atirgul”, she’riy to’plam, 2005 yil,
“Seni kutdim”, she’riy to’plam, 2007 yil.
Tarjimalari:
Jaloliddin Rumiyning “Ichindagi ichindadir” asari, 1993 yil;
Usmon Turonning “Turkiy xalqlar mafkurasi” asari, 1995 yil.


Badiiy adabiyot ramzlar tili, ezgulik va qabohatning mangu janggohi, inson qalbidagi cheksiz iztiroblarini tasvirlashi bilan odamlarni har doim o’ziga tortib kelgan. Bugungi xabarlar ummoni zamonida ijodkorning asosiy vazifasi asar o’quvchisining badiiy didini tarbiyalash, nafosatni his qila olish, yaxshilikka intilishga o’rgatish, ruhiyatini o’stirishdan iboratdir. Zamonamizda salmoqdor ijod qilayotgan ijodkorlar barmoq bilan sanarli darajadadir. O’z o’quvchilariga ega, asarlarini keng kitobxon ommasi sevib o’qiyotgan ijodkorlardan biri – asarlari bitiruv malakaviy ishimiz ob’ekti bo’lgan adib Ulug’bek Hamdamdir. Ulug’bek Hamdam shoir, yozuvchi, adabiyotshunos olim, xullas, serqirra ijodkordirlar.
Ulug’bek Hamdamning adabiy-tanqidiy maqolalari, she’riy turkumlari, nasriy asarlari keng jamoatchilik e’tiborini tortgan. Ijodkorning ko’ngil xazinasi turli janr va uslubdagi asarlar shaklida maydonga chiqqan hamda muallifning adabiy shaxsiyatini namoyon qiladi. Adib zamonaviy o’zbek romanchiligida ma’naviy-axloqiy muammolarni yangicha tarixiy kontekstda badiiy talqin qilgan, o’zbek falsafiy romani taraqqiyotini yuksaltirgan, yaIstiqlol davrida ngi shaxs muammosini birinchilardan bo’lib ko’tarib chiqqan adib sifatida o’z o’rniga ega. U.Hamdamning asarlari ingliz tiliga tarjima qilinib, Amerikada chop etilgan.