Овкат хазм килиш физиологияси Режа

Меъдада овкат хазм булиши
Меъда ОХК да,оралик алмашинувда,конда рН доимийлигини саклашда ва кон ишланишида иштирок этади.Меъданинг ОХК функциялари механик ва кимевий парчалаш,уни муайян вакт саклаб туриш (депо)ва алохида булаклар шаклида бирин-кетин ичакка утказишдан иборат. Овкат меъдада бир неча соат давомида шишади, суюлтирилади,унинг купгина таркибий кисмлари эрийди ва сулак хамда меъда шираси таркибидаги ферментлар таъсирида парчаланади. Меъда шираси бактериоцид хусусиятга эга.
Меъда хазмланиш жараени билан боглик булган куйидаги функцияларни бажаради :
1) секретор функция меъда безлари томонидан меъда ширасини ишлаб чикаришдан иборат,меъда шираси таркибида оксилларни , карбонсувларни ва егларни парчаловчи ферментлар-гидролазалар бор,
2) мотор (харакат) функцияси меъда деворидаги мускулли катлам томонидан амалга оширилади. Меъданинг даврий харакатлари овкат буткасининг меъда шираси билан аралашувини ва унинг бир жойдан иккинчи жойга ,жумладан меъдадан ун икки бармок ичакка утишини таъминлайди,
3) Сурилиш функцияси парчаланган озик моддаларнинг меъдадан конга сурилишидан иборат. Сурилиш жараенидаги меъданинг урни унча катта эмас, бу жараен асосан ичакларда содир булади.
Меъда хазм жараени билан боглик булмаган функцияларни хам бажаради :
1)э к с к р е т о р функция меъданинг сийдикчил, сийдик кислотаси, креатинин,огир металлар тузлари, йод,доривор моддаларни организмдан чикарилишида иштирок этишидан иборат,
2) и н к р е т о р функцияни меъда томонидан гастрин ва гистамин каби гормонларнинг ишланиши ташкил этади,
3) меъда организм ички мухити суюкликларида рНни бошкаришда иштирок этиб, г о м е о с т а т и к функцияни бажаради,
4) Каслнинг ички омилини ишлаб чикариш оркали меъда г е м о- п о э з н и б о ш к а р и ш д а катнашади.
Меъда шираси меъда шиллик катламидаги безлар томонидан ишлаб чикарилади. Меъда гумбазидаги безлар бош гландулоцитлар, копловчи ва кушимча хужайралардан иборат.Бош хужайраларда пепсиногенлар ,копловчи хужайраларда хлорид кислота, кушимча хужайраларда мукоид (шилимшик) модда секреция килинади. Меъданинг пилорик кисмида копловчи хужайралар йук.Шу сабабдан меъда туб ва пилорик кисмлари таркиби хар хил булган шира ишлаб чикаради.
Одам меъдасида бир кеча-кундузда 2,0-2,5л шира ажралади.Бу шира тиник рангсиз ,суюклик булиб, таркибида 0,3-0,5 % хлорид кислота бор, реакцияси нордон -рН 1,5-1,8 .Овкат буткасида рН нордонлиги пасаяди.
Меъда шираси нордонлигини бахолашда Н+ ионлари концентрацияси, ионга айланмаган Н ва титрланадиган нордонлик аникланади. Шира тахлилида эркин ва бириккан НСl текширилади.
Меъда ширасидаги хлорид кислота оксилларни денатурация килади,уларнинг шишиб бушашишини таъминлайди ва пепсин таъсирида кейинчалик парчаланишини енгиллаштиради.HCl пепсиногенни фаоллаштиради, кислотали мухит яратади, бактериоцид хусусиятга эга ва ОХК аъзолари фаолиятини бошкаришда иштирок этади. Асаб механизмлар ва гормонлар рН катталигига караб меъдада овкат хазм булишини кучайтиради еки тормозлайди.
Бола меъда шираси нордонлиги биринчи ойларда паст ,бир ешдан оша боради ва 7-12 ешда катта ешдаги ракамларга етади.
Меъда ширасида Na,К,Ca,Mg хлоридлари,сульфатлари, бикарбонатлари,аммиак каби купгина анорганик моддалар бор.Унинг осмотик босими кон плазмасиникидан баланд.
Органик моддалардан азотли бирикмалар 200-500 мг\л булиб,улардан сийдикчил,сийдик ва сут кислоталари ,аминокислоталар ва полипептидлар мавжуд.Меъда ширасида оксил микдори 3г\л, мукопротеидлар -0,8г\л, мукопротеазалар-0,7г\л гача булади.
Меъда безларидаги бош гландулоцитлар 2 гурух пепсиногенлар ажратади.Биринчи гурух пепсиногенлари 6 та ва гумбаз кисмида секреция килинади,иккинчи гурух пилорик кисмда секрецияланади ва икки пепсиногендан иборат.Пепсиногендан нордон мухитда полипептид молекуласи ажралади ва у бир канча пепсинларга айланади. Оксилларни рН 1,5-2,0 булганда катта тезлик билан гидролизловчи ферментларга п е п с и н л а р дейилади.Иккинчи фракцияси- г а с т р и к с и н учун рН 3,2-3,5 оптималдир.Бу ферментлар бошка-бошка оксилларга таъсир этиши билан бири иккинчисидан фарк килади.Пепсинлар(жумладан химозин) сутни творогга айлантиради,яъни сутдаги ивиган оксил казеинни чуктиради. Меъда ширасидаги протеазалар оксилларни полипептидларгача парчалайди, аминокислоталар кам хосил булади,бунда асосан альбуминоз ва пептонлар хосил булади.Пепсин таъсирида гушт оксиллари тез,тухум оксиллари эса секин парчаланади.
Меъда безларининг секретор нервлари адашган нервдир,унинг охирларида хосил буладиган ацетилхолин меъда секрециясини кузгатади.Адашган нервлар кесилганда меъда секрецияси пасаяди.Симпатик нервлар меъда безлари фаолиятини тормозлайди.
Меъда безларининг энг кучли кузгатувчиси пилорик кисм шиллик пардаси хужайралари ажратадиган г а с т р и н д и р. Шунинг учун меъда пилорик кисми операция килиниб олиб ташланса ,меъда секрецияси кескин камаяди.Гастрин ажратилишини адашган нерв , пилорик кисмининг механик ва кимевий таъсирланиши кучайтиради.Меъда пилорик кисмидаги рН пасайганда гастрин ажралиши камаяди,рН 1,0 га етганда тухтайди.Шундай килиб,гастрин меъда секрециясининг уз-узини бошкаришида иштирок этади.Гастрин хлорид кислота секрециясини кучли оширади,чунки у хаммадан купрок копловчи хужайралар (париетал гландулоцитлар)га таъсир этади.
Меъда секрецияси кузгатувчиларига г и с т а м и н хам киради.У меъда шиллик пардасида хосил булади.Гистамин таъсири остида нордонлиги баланд булган куп микдордаги шира ажратилади.Гастрин ва гистамин адашган нерв оркали таъсир этади.Конга сурилган оксил парчаланиши махсулотлари хам меъда секрециясини кузгатади.
Меъда безларига бошка гуморал омиллар хам таъсир этади.Секретин,холецистокинин-панкреозимин,нейротензин, сомато- статин,серотонин каби интестинал гормонлар хлорид кислота секрециясини тормозлайди. Бомбезин ва мотилин эса меъда секрециясини кучайтиради.
Меъда секрецияси уч фазага булинади. Овкат кабул килиш билан боглик булган меъда секрециясининг бошлангич фазаси куз,бурун,кулок рецепторлари овкатнинг куриниши,хиди, у билан боглик товушлар ва шароитдан таъсирланиши туфайли вужудга келган шартли рефлекслардан бошланади.Буларга огиз бушлиги ва халкум таъсирланишидан келиб чиккан шартсиз рефлекслар кушилади.Мураккаб рефлектор механизмли меъда секрецияси биринчи, еки “м и я” ф а з а с и дейилади.Биринчи фаза мавжудлиги эзофаготомия килинган итлар ва одамларда исбот килинган,овкатнинг чайналиши ва ютилиши меъда шираси ажралишига олиб келади.Бу шира И.П.Павлов томонидан “иштаха” шираси деб аталган ва у меъдани овкатни кабул килишга олдиндан тайерлаб куяди.
Секрециянинг биринчи фазаси адашган нервлар ва гастрин оркали амалга ошади ва овкат маркази кузгалувчанлигига боглик.Бу фаза овкатнинг емон куриниши ,сассик хиди,дастурхоннинг ифлослиги, огрик ,кучли куркиш,жахл чикиши окибатида тормозланиши мумкин.