Овқат ҳазм қилиш аъзолари тизими анатомо-физиологик хусусиятлари ва касалликларида ҳамшира парвариши

Давоси ва парвариши. Парҳез, беморларга 5 стол тавсия этилади, қовирилган ёғли овқатлар тавсия этилмайди. Дори воситаларидан гепатопротекторлар, оқсил препаратлари, витаминлар, липотроп дорилар, гормонлар, дезинтоксикацион воситалар тавсия этилади. Безгак ва захм оқибатидаги гепатитда махсус терапия қилинади. Асцитни камайтириш мақсадида сийдик хайдовчи воситалар, калий препарат билан берилади, будорилар ёрдам бермаганда лапароцентез қилинади, яъниқорин бўшлиғи пункция қилиб, суюқлик чиқариб ташланади.
Холецистит, ўт-тош касаллиги
Ҳолецистит –ўт пуфагининг яллиғланиш касаллигидир. Ҳолецистит тошли ва тошсиз бўлади. Тош ҳосил бўлишида организмда моддалар алмашинувининг бузилиши сабаб бўлади.
Сабаби. Ўткир ва сурункали инфекциялар (отит, гайморит, аднексит, остеомиелит ва ҳ. к.), ўт йўли дискинезияси, паразитлар.
Клиникаси. Ўнг қовурға остидаги бир оз оғриқ, оғирлик, иштаҳа пасайиши, кўнгил айнаш, оғиз бемаза бўлиши. Калькулёз ҳолецистит хуружида ўнг қавурға остида кучли оғриқ безовта қилади. Қоринни пальпация қилинганда ўт пуфаги катталашганини аниқланади. Ташҳис қўйишда УТТ, сканерлаш, ҳолецистограмма, дуоденал зондлаш текширувлари ёрдам беради
Калькулёз ҳолецистит хуружида қон таҳлилида ЭЧТ ва лейкоцитлар ошади. Сурункали ҳолециститда бундай ўзгариш бўлмайди.
Давоси ва парвариши. Тошсиз ҳолециститда парҳез, антибиотиклар, витаминлар, ўт хайдовчилар, дезинтоксикацияга қарши дорилар қилинади. Тошсиз ҳолециститни ўз вақтида ва узоқ муддат даволаш кўп жиҳатдан унинг калькулёз ҳолециститга ўтиб кетишини олдини олишга ёрдам беради.
Ўт тош касаллиги ҳуружида беморлар ўнг қовурға остига иссиқлик, спазмларни камайтириш мақсадида спазмолитиклар, оғриқ қолдирувчи воситалар. Нисбатан катта тошлар бўлса хирургик йўл билан даволанади.
Тиббий атамалар
Гастрит – ошқозоннинг яллиғланиши
Стеноз – торайиш
Перфорация – тешилиш
Эзофогогастродуоденоскопия – ЭФГДС қизилўнгач,ошқозон, ичакни зонд ёрдамида текшириш усули.
Гепатит-жигарни яллиғланиши
Некроз - тўқималарнинг ўлиши
Алиментар – овқат орқали