Овқат ҳазм қилиш аъзолари тизими анатомо-физиологик хусусиятлари ва касалликларида ҳамшира парвариши

Касалликнинг клиникаси.
1.Мезенхимал яллиғланиш синдроми.
Тана хароратини ошиши, бутун танада оғриқ, талоқ ва жигарни катталашиши.
2.Холестатик синдром.
Тери ва шиллиқ қаватларнинг сарғайиши, сийдик ва ахлатни рангини ўзгариши.
3.Диспептик синдром.
Кўнгил айнаши, иштаханинг камайиши, кекириш, кайт қилиш, қабзият.
4.Астеновегетатив синдром.
Умумий холсизлик, бўшашиш, бош оғриғи, тинка қуриши, асаб бузилиши.
Касалликни даволаш ва беморларни парваришлаш.
Гепатит билан касалланган беморларга рухий ва жисмоний осойишталик тавсия этилади. Пархезга риоя қилиш даволанишнинг энг асосий тамойилларидан бири ҳисобланади. Жигар касалликларида беморларга 5 стол тавсия этилади. Бунда ёғли қовурилган, зираворларга бой махсулотлар овқат рациондан чиқариб ташланади. Тавсия этиладиган дори воситалари; турли ўсимликлардан тайёрланадиган дамламалар ўт йўлларини ювиш, интоксикацияни камайтириш учун тавсия этилади.
1.Парҳез.
2.Кўп миқдорда суюқликлар ичиш.
3.Жигар хужайраларида модда алмашинувини яхшилаш учун витаминлар.
Бемор холатига қараб кортикостероидлар, цитостатиклар, иммунодепрессантлар.
Гепатит билан касалланган беморлар доимий врач назоратида бўлишлари керак.


Жигар циррози.
Жигар циррози сурункали диффуз касаллик бўлиб, жигар хужайраларининг некрози оқибатида, жигар тўқимасини бирикитувчи тўқима билан қопланиши ва натижада жигар функциясининг бузилишидир.
Касаллик сабаблари.
1.Вируслар
2.Дорилар.
3.Спиртли ичимликлар.
4.Алиментар-овқат рационида оқсиллар ва витаминларнинг етишмовчилиги.
5.Паразитар касалликлар.
Клиникаси. Клиник кечишига кўра 4 хил тури мавжуд.
1.Постнекротик.
2.Портал.
3.Билиар.
4.Аралаш.
Умумий клиник белгилари: Ўнг қовурға остидаги бир оз оғриқ, оғирлик, баъзан субфебриль иситма, иштаҳа пасайиши, тери қичишиши, дармонсизлик, кўнгил айнаш, иш қобилиятининг пасайиши, қорин дам бўлиши, ич бузилиши, теридаги юлдузчасимон қон талашлар, қорин бўшлиғига суюқлик йиғилиши сабабли қоринни катталашуви - бу асцит дейилади.
Объектив текширганимизда тери ва шиллиқ пардалар сарғайган, касаллик бошланганда жигар катталашган, кейинчалик жигар кичиклашади ва қора талоқ катталашган бўлади. Қорин катталашиб, терисида юлдузчани эслатувчи қон томирлар пайдо бўлади, қорин терисидаги веналар бўртиб қолади. Қориндаги бу веналар “медуза боши”ни эслатади.
Қоннинг умумий тахлилида гемоглабин, лейкоцитлар камайган, ЭЧТ ошган. Биохимик таҳлилда АЛТ ва АСТ ферментлари, билирубин ошган, оқсил камаяди. Ташҳис қўйишда УТТ, сканерлаш текширувлари ёрдам беради.
Касаллик давомийлиги турлича бўлиши мумкин. Гепатит ва жигар циррозининг турли хил, тез ёки секин кечадиган кўринишлари бор.