O'tkirqorin og'rig'i

Qorin churralari (ventral churralar)

Qorin churralari tashqi va ichki bo'ladi. Qorinning tashqi churrasi deganda qorin pardasining pariyetal varag'iga o'ralgan qorin bo'shlig'i organlarining qorin devorining anatomik teshiklaridan yoki orttirilgan nuqsoni teshiklar teri ostidan tashqariga do'ppayib chiqib turuvchi kasalliklarga aytiladi.

Qorinning ichki churralari deganda ichki a'zolarning boylam yoki qorin pardasi cho'ntaklaridan biriga, shuningdek diafragmaning orttirilgan yoki tug'ma teshiklari orqali kirishi nazarda tutiladi. Joylashuvga ko'ra tashqi churralar chot, son, kindik, qorinning o'q chizig'i, yopqich, quymich churralari va boshqalarga bo'linadi. Churra hosil bo'lishi uchun uchta qism bo'lishi shart:

1. churra darvozasi — churra o'tadigan teshik;

2. churra xaltasi — darvozasi orqali do'ppayib chiqadigan va ichki a'zolarni qoplab turadigan qorin pardasining pariyetal varag'ining bir qismi;

3. churra hosil qiluvchi a'zo — ko'pincha ingichka ichak qovuzlog'i va charvidan iborat bo'ladi.