O'tkirqorin og'rig'i

Qorinning oq chizig'i churrasi. Ko'pincha katta yoshdagi erkaklarda uchraydi. Ular asosida oq chiziqni hosil qiladigan pay tolalarining bir-biridan ajrashi va hosil bo'lgan yoriqdan awal qorin pardasi oldidagi yog'ning do'ppayib chiqishi yotadi; keyinchalik churra xaltasi va ichidagi a'zosi bilan haqiqiy churra hosil bo'ladi.

Klinik manzarasi. Qorinning oq chizig'i bo'yicha, aksari epigastral sohada palpatsiya qilganda og'riydigan o'smasimon bo'rtma paydo bo'ladi. Qorinning oq chizig'i churrasini yanglishib me'daning yara kasalligi, xoletsistit, pankreatitning klinik belgilariga o'xshatish mumkin. Bularni istisno qilish uchun bemorni qunt bilan tekshirish talab etiladi.

Davosi operatsiya usulida olib boriladi. Churra darvozalari tikib qo'yiladi.

Operatsiyadan keyingi vertikal churralar. Qorin bo'shlig'i a'zolaridagi operatsiyalardan so'ng va operatsion jarohat yiringlaganda kuzatiladi. Operatsion jarrohat yiring boylagandan so'ng jarohat odatda ikkilamchi tortishish yo'li bilan bitadi. Chandiqlar hosil bo'ladi. Chandiqli churra darvozalarining o'lchami turlicha bo'lishi mumkin. Bunday churralarda jismoniy ish qilganda kuchayadigan og'riq birinchi o'ringa chiqadi. Ko'pincha dispeptik buzilishlar, ich dam bo'lishcruXmeteorizm) kuzatiladi. Ingichka ichak qovuzloqlari va charvi ko'pincha qorin devori bilan bitishma hosil qiladi, bu — ichak tushishiga olib kelishi mumkin. Qisilib qolish kuzatilishi ehtimoli bor.

Davosi operatsiya usulida olib boriladi. Chandiqli to'qimani kesib tashlanadi. Qorin devoridagi nuqsonni tikib qo'yiladi.