O'tkirqorin og'rig'i

Tug'ma churralar. Aksariyat katta yoshdagi odamlarda kuza-tiladigan va mushak qavatining sustligi hamda qorin ichi bosimining oshishi (og'ir yuk ko'tarish, meteorizm) va inner-vatsiyaning buzilishi natijasida paydo bo'ladigan orttirilgan churralardan farqli ravishda tug'ma churralar ko'pincha bolalarda qorin devorining noto'g'ri rivojlanishi oqibatida kuzatiladi. Odatda tug'ma churralarning darvozalari katta bo'ladi, shu tufayli ular kamdan-kam qisiladi.

Bolalarda churralarni davolash. Bolarlarda ko'p uchratiladi-gan tug'ma churralar maxsus davoni talab etadi. Agar bolada churra qisilishiga moyillik bo'lmasa, operatsion davo qilishga shoshilish yaramaydi. Bolada qorin ichi bosimi imkoni boricha kam oshadigan sharoitlar yaratish zarur. Shu maqsadda ich kelishini tartibga solish (qabziyatni yo'qotish), bola qattiq yig'laganda uni ovutish, shamollash kasalliklarini o'z vaqtida davolash zarur va hakozo. Kindik churrasida kindik sohasini yopishqoq plastir tilimlari bilan tortib qo'yish yaxshi natija berishi mumkin. Churra qisilib qolganda bolani iliq vannaga o'tkazish yoki oyoqlarini ko'taribroq qo'yish mumkin; churrani joyiga kirgizsa bo'ladi. Churrani qo'lda kirgizish tavsiya etiimaydi. Operatsiyalarda churra darvozasini plastika qilishning eng oddiy turlarigina qo'llaniladi. Chov churrasida moyakni qorin pardasidan ajratish shart.