O‘tkir koronar sindrom

MIning astmatik variantida yetakchi shikoyati bo‘lib xalloslash xuruji, nafas qisishi, xavo yetishmasligi xisoblanadi. Ularning kelib chiqishi sababi rivojlangan o‘tkir chap qorincha yetishmovchiligidir (yurak astmasi yoki o‘pka shishi). Og‘riq umuman bo‘lmaydi yoki juda kuchsiz namoyon bo‘ladi. Sianoz, taxikardiya kuzatiladi. O‘pkada dimlanish tabiatli xodisalar kuchli ifodalanadi (dag‘al nafas, ko‘plab kichik-va o‘rtapufakchali namli xirillashlar). Kasallik ushbu, varianti ko‘pincha ko‘lamli MI yoki takroriy infarktlarda, keksa va qariya bemorlarda kuzatiladi, aksariyat xollarda yurak yetishmovchiligi fonida kelib chiqadi.
Kasallikning abdominal varianti ko‘proq diafragmal (quyi) infarktda kuzatiladi. Uning qorinning yuqori qismida bo‘ladigan og‘riq xarakterli bo‘ladi va og‘riq kuraklarga, to‘sh qirg‘og‘lari bo‘ylab berilib tarqalishi bilan ifodalanish mumkin. Bundan tashqari dispeptik simptomlar-ko‘ngil aynishi, qayd qilish, meteorizm, ayrim xollarda esa ich ketish yoki oshqozon-ichak tizimi parezi kabilar xam aniqlanadi. MI ning abdominal shaklini klinik manzarasi xazm a’zolarining o‘tkir kasalliklariga juda o‘xshab yoki ularni aynan eslatib ifodalanadi (ovqatdan zaxarlanish, oshqozon yoki 12-barmoqli ichakning perforativ yarasi, jigar sanchig‘i, o‘tkir pankreatit va b.q.).
Yurak ritm buzilishlari deyarli barcha MI bilan bemorlarda kelib chiqadilar. Mabodo ular kasallikning klinik manzarasida ustuvorlik mavqesiga ega bo‘lsalar-unda bu xolatni MI ning aritmik varianti deb ataladi.
Ushbu variant eng ko‘p paroksizmal taxiaritmiyalar yoki to‘liq atrioventrikulyar qamal shaklida kechadi. Kasallik arterial gipotoniya, bilan xattoki aritmogen shokkagacha yetib namoyon bo‘ladi. Xushni yo‘qolishi xam kelib chiqishi mumkin (Morgani-Adams-Stoks sindromi).