Ot so`zlarning aloqa-munosabat kategoriyalari

d) –dan qo‘shimchasi orqali ko`makchisi bilan sinonim: Xabarni radiodan eshitdik – Xabarni radio orqali eshitdik.

e) –ni qo‘shimchasi haqida ko‘makchisi bilan sinonim : Akasi kеlganini gapirdi – Akasi kеlgani haqida gapirdi.

EGALIK KATEGORIYASINING TA’RIFI

Predmet yoki predmetlik tushunchasining uch shaxsdan biriga (ba’zan predmetga) taalluqli ekanligini ko`rsatuvchi umumiy ma’nolar va bu ma’nolarni ifoda etuvchi shakllar tizimiga egalik kategoriyasi deyiladi.

Predmet yoki predmetlik tushunchasining uch shaxsdan biriga, ya’ni so`zlovchi (I shaxs), tinglovchi (II shaxs), o`zga (III shaxs) shaxsga taalluqliligini ifodalaydigan affikslar egalik affikslari deyiladi. Egalik affikslari shaxs ma’nosi bilan birga uning sonini (birlik yoki ko`plik ma’nosini) ham ifodalaydi. Egalik affikslari quyidagi jadvalda berilgan.

EGALIK QO`SHIMCHALARI

EGALIK QO`SHIMCHALARINING QO`LLANISH SHAKLLARI

Shaxs	Birlik		Ko`plik
	unlidan so`ng	undoshdan so`ng	unlidan so`ng	undoshdan so`ng
I shaxs	sovg`a+ -m	daftar+ -im	sovg`a+ -miz	daftar+ -imiz
II shaxs	sovg`a+ -ng	daftar+ -ing	sovg`a+ -ngiz	daftar+ -ingiz
III shaxs	sovg`a+ -si	daftar+ -i	sovg`a+ -si	daftar+ -i