Основные понятия об измерениях и измерительных приборах

Расм.22.
Совуқ ковшар температураси ўзгаришини компенсациялаш
Температурани ўлчашда совуқ ковшар температураси ўзгармаслиги керак, чунки унинг ўзгариши, ишчи ковшар температурасига қарамасдан, ТЭЮК ни ўзгаришига сабаб бўлади. Совуқ ковшар температурасини градуировка қийматидан (t₀) ошиши, ТЭЮКни камайишига сабаб бўлади.
Температурани аниқ ўлчаш учун совуқ ковшарни градуировка температурасида ушлаб туриш керак.
Совуқ ковшар температураси ўзгаришининг таъсирини йўқотишнинг бир неча усуллари мавжуд.
Биринчиси, совуқ ковшарлар термостатланади, яъни, совуқ ковшар температураси ўзгармас температурада (градуировка темппературасида) ушлаб турилади. Бунинг учун совуқ ковшар, термопара материалига термоэлектрик ўхшаш бўлган термоэлектрод симлар (компенсацион симлар) ёрдамида узайтирилиб, совуқ ковшар температураси ўзгармас қийматда t₀ ушлаб турилади.
Шунингдек, компенсацион коробка КТ-54 ёрдамида, совуқ ковшар температураси ўзгаришига автоматик равишда тузатиш киритиш усули ҳам мавжуд.
Компенсацион коробканинг 1 (расм. 23) олти қисқичига термопара 2, манбаа 4 ва электр ўлчов асбоби 3 уланган. Ушбу қурилма мувозанатланган ўлчаш кўприги схемаси кўринишида йиғилган. R₁-R₃ -ўзгармас манганин қаршиликлар, R_н – никелдан ясалган электр қаршилиги температура коэффициенти катта бўлган резистор. Термопара ва электр ўлчов асбоби кўприк схемасининг cd диоганалига кетма кет уланган, манбаа эса, бошқа диоганалга уланган.

Расм.23.
Температура t₀=20⁰С бўлганда, кўприк мувозанат холатида бўлади, ва бунда “c” ва “d” нуқталардаги потенциаллар тенг. t₀ , 20⁰С дан четлашса, R_н никелли резистор қаршилиги ўзгариши натижасида, кўприк мувозанатдан чиқади. Бунда «c» ва «d» диоганалда ҳосил бўлган потенциаллар фарқи катталиги термопарадаги ТЭЮКни совуқ ковшар температурасининг ўзгариши натижасидаги ўзгаришига тенг ва унга тескари ишорада бўлади. Натижада, ўлчов асбоби кўрсатиши фақат иссиқ ковшар температурасига боғлиқ ўзгаради.
Термопаралар билан биргаликда электр ўлчов асбоблари сифатида пирометрик милливольтметрлар ва потенциометрлар ишлатилади.