Основные понятия об измерениях и измерительных приборах

Термоэлектрод материаллар ва термопаралар
Хар қандай ўтказгичлар жуфтлигидан термопара ясаш мумкин, аммо уларнинг ҳаммасини амалиётда ишлатиш мумкин эмас. Термоэлектрод материалларига қуйидаги талаблар қўйилади:
1. Вақт бўйича ТЭЮК ўзгармаслиги;
2. Иложи борича катта ТЭЮК;
3. ТЭЮКни температурадан бир хил боғлиқлиги;
4. Кичик электр қаршилиги температура коэффициентига эга бўлиши;
5. Катта электр ўтказувчанликга эга бўлиши;
6. Юқори температура таъсирига чидамлилиги;
7. Термопараларнинг ўзаро алмашинувчанлигини таъминлаш учун термоэлектрик хусусиятларининг такрорланиши.
Термоэлектрод материаллар сифатида қуйидаги материаллар ишлатилади: платина, платинородий (10% родий); хромель, алюмель, капель, темир, мис, константан, никель-кобольт қотишмаси, махсус алюмель.
Бу материаллардан тайёрланадиган стандарт ва ностандарт термопаралар мавжуд.
Давлат стандартига киритилган стандарт термопараларга қуйидагиларни киритиш мумкин:
1. Платинородий - платинали термопара - ТПП (-20⁰С дан 1300 -1600⁰С гача);
2. Платинородий - платинородийли термопара - ТПР ( + 300⁰С дан 1600 -1800⁰С гача);
3. Хромель - алюмелли термопара – ТХА (-50⁰С дан 1000 -1300⁰С гача);
4. НК-СА қотишмасидан тайёрланган термопара ТНС (+300⁰С дан 1000⁰С гача);
5. Хромель - копелли термопара – ТХК (-50⁰С дан 600-800⁰С гача).
Шунингдек ностандарт термопаралар ҳам мавжуд:
Темир - копель 0⁰С дан 600 - 800⁰С гача;
Темир - константан 200⁰С дан 600 - 800⁰С гача;
Мис - копель 0⁰С дан 400 - 600⁰С гача;
Мис - константан -200⁰С дан 300 - 400⁰С гача;
Вольфрам – молибденли термопара 2300⁰С гача.
Термопаралар объектга химоя арматураси ёрдамида ўрнатилади.

1- термопарнинг иссиқ ковшари; 2- фарфорли наконечник; 3- химоя трубкаси; 4- фарфорли бусиклар; 5- термопарани ўрнатиш учун қўзғалувчи флянец; 6- улаш қутисининг корпуси; 7- фарфорли колодка; 8- колодкани қотириш винтлари; 9- қисқичлар; 10- термоэлектрод қисқичларидаги қотириш винтлари; 11-симларни қотириш винтлари; 12- қопқоқ; 13- прокладка; 14- чиқиш штуцери; 15-асбестли шнур; 16-винт .

­