Основные понятия об измерениях и измерительных приборах

ТЕРМОЭЛЕКТРИК ПИРОМЕТРЛАР


Термоэлектрик пирометрлар
Температурани термоэлектрик пирометрлар билан ўлчаш термоэлектрик эффектга асосланган. Икки ёки бир нечта хар хил жинсли ўтказгичлардан ташкил топган берк занжирида, агар ўтказгичлар уланган (ковшарланган) жойларининг камида иккитасида температура хар хил бўлса, электр токи хосил бўлади.
Икки хар хил жинсли ўтказгичлардан ташкил топган занжирга терможуфт дейилади. Ўзгарувчан температурага (t) эга бўлган ковшар иссиқ ишчи ковшар ва ўзгармас температурага (t₀) эга бўлган ковшар совуқ ковшар дейилади. А ва В ўтказгичлар термоэлектродлар дейилади.
Термоэлектрик эффект металларда эркин электронлар мавжудлиги билан тушунтирилади. Эркин электронлар сони ўтказгич турига (жинсига) ва унинг температурасига боғлиқ бўлади.

19-расм
Фараз қилайлик, А металда В металдагидан кўпроқ эркин электронлар мавжуд (19-расм) ва шу сабабли А металдан В металга В металдан А металга нисбатан кўпроқ электронлар диффузияси кузатилади. Натижада А метал мусбат ва В метал манфий зарядлана бошлайди.

Ковшарда хосил бўлаётган электр майдони бу электронлар диффузиясига тўсқинлик қилади ва электронлар диффузияси тезлиги электронларнинг орқага қараб диффузияланиш тезлигига тенг бўлиб қолади (яъни, А дан В га қанча электрон ўтаётган бўлса В дан А га ҳам шунча электрон диффузияланиб ўтади). Бунда А ва В электродлар орасида қандайдир потенциаллар фарқи хосил бўлади.
E(tt₀)=e_AB(t)-e_AB(t₀)
Бундан ташқари, термоэлектродларнинг хар хил температурага эга бўлган учлари орасида ҳам ТЭЮК ҳосил бўлади. Бунда, температураси катта бўлган ковшардан, температураси кичик бўлган ковшарга қараб электронлар диффузияси, температураси кичик бўлган ковшардан, температураси катта бўлган ковшарга нисбатан кўпроқ бўлади. Электронлар диффузияси электрод ковшарлари орасида ҳосил бўлган потенциаллар фарқи билан мувозанатлангунча давом этади.
Термопараларда юқорида келтирилган икки фактор ишлаб, 1 ва 2 ковшарларда, уларнинг температураси ва термоэлектрод материалларига мос равишда икки ТЭЮК (e_AB(t) ва e_BA (t₀)) ҳосил бўлади.
Термопарада ҳосил бўлаётган йиғинди термоэлектр юритувчи куч ТЭЮК E_AB(tt₀), ковшарларда ҳосил бўлаётган потенциаллар фарқларининг алгебраик йиғиндисига тенг
E_AB(tt₀)=e_AB(t)+e_BA (t₀),
агар e_BA (t₀) = -e_AB(t₀) лигини ҳисобга олсак, унда,
E_AB(tt₀)=e_AB(t) - e_AB(t₀),
t=t₀ бўлганда E_AB(tt₀)=0. Яъни, иссиқ ковшар температурасини ўлчаш учун совуқ ковшар температураси ўзгармас қийматга эга бўлиши керак (масалан, t₀=0).