O’simlik to‘qimalari. To’qimalar Tuzilish va funksiyalari

Mexanik to‘qimalar
Mexanik to’qimalar – tayanch, mustahkamlik beruvchi to‘qimalar bo‘lib, o‘simliklarning vegetativ va generativ organlarida mustahkamlik beruvchi hujayralar yig‘indisidan tashkil topgandir. Bu to‘qimalar organlarni shamol, qor va shu singari boshqa tashqi omil ta’sirlaridan saqlaydi.

Mustahkamlik beruvchi to‘qimalar, o‘z vazifasini boshqa to‘qimalar bilan birgalikda bajaradi va ularning oralig‘ida armatura (lot, armatura-jihozlash) hosil qiladi. Mexanik to‘qimalar o‘simlik organlaridagi boshqa to‘qimalarni birlashtirib turadi. Demak, xuddi shu sababli barglar osonlikcha yirtilmaydi, novdalar sinmaydi va egilmaydi, etli to‘qimalar esa parchalanmaydi.

O‘simlik organlariga mustahkamlik berishda mexanik to‘qimalardan tashqari o‘simlik hujayralari va to‘qimalarining turgor holatda bo‘lishi muhim ahamiyatga ega. Mexanik to’qima hujayralarining qobig’ining ko’pincha lignin moddasi singishi natijasida qalinlashib yog‘ochlangan bo’ladi. Mexanik to‘qimalarni kollenxima va sklerenxima xillari mavjud.