O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

18-hafta – 6 soat. Rejim jarayonni mustaqil o`tkazish; bolalarda madaniy-gigienik ko`nikmalarni shakllantirishni davom ettirish. Shaxsiy gigiena (qo`lni sovun bilan yuvish, tirnoqlarni tozalash, iflos qo`l bilan ovqatlanmaslik, qo`l, oyoq va badan uchun foydalaniladigan sochiqlarni farqlash, kiyimlarni toza saqlash); nonushtani mustaqil o`tkazish; bolalarni stol atrofida to`g`ri o`tirish, ovqatlanish madaniyatiga o`rgatish (qoshiq, vilka, piyoladan to`g`ri foydalanish va oqizmasdan, sochmasdan ovqatlanish); Sayrda bolalar bilan milliy o`yin o`tkazish; tabiat hodisalari bilan tanishtirishni davom ettirish, qish fasli bilan tanishtirish (qishda kunlar sovuq bo`lishi, quyoshni kamroq isitishi). Oilada bayramlarni nishonlash va ularni bolalar tarbiyasiga ta’sir etishi haqida suhbat o’tkazish. ( Tug’ilgan kunlar, yangi yil, Navro’z, Hayit va boshqalar)
Bradilalliya bilan og`rigan bolalarni tarbiyachi asosan quyidagi talablar bilan ishlaydi.
A) Gapirish jarayonida tez va aniq xarakatga erishish
B) tez gapirish yo`li bilan tez gapirish reaksiyasini yaratish
S) Ichki nutq tezligini oshirishga (tashqi muxit tasirlari, xarakat ritmika) yordamida erishish
D) tez o`qish va yozishga o`rgatish.
Logopediya 2007y “Kichik va maktab yoshidagi bolalarni to`g`ri talaffuzga o`rgatish” , “To`g`ri gapiramiz va so`zlaymiz” adabiyotlaridan foydalanilgan xolda.
19-hafta – 6 soat. Bolalarda kattalar mehnatiga qiziqish va hurmat hissini shakllantirish; turli guruhlarda kattalar mehnati bilan tanishtiriladigan ochiq mashg`ulotlar o`tkazish: oshpaz, o`qituvchi, haydovchi va h.k.; kuzatgan mashg`ulotlarni tahlil qilinishida qatnashish; bolalar sayrini mustaqil o`tkazish.
20-hafta – 6 soat. Biriktirilgan guruhda o`quvchilar mustaqil bolalarni ertalabki soatlarini o`tkazadi; guruhda navbatchi bolalarni tayinlaydi va qiladigan ishlarini eslatadi. Bir guruh bolalardan uyda bajaradigan ishlarni so`rab aniqlanadi va bolalarga stol ustidagi “loto” o`yinlarni o`ynashni taklif etiladi.
Turli guruhlarda mashhur sarkardalarga bag`ishlangan (A.Temur, S.Rahimov, J.Manguberdi) Vatanimiz himoyachilari haqida bolalarga to`liq tushuncha beriladi.