O‘rтa maxsus, kasb-hunar тa’limi markazi

87-mashq. Quyidagi shakllar yordamida hol ishtirok etgan gaplar tuzib yozing: o‘rin oti+da, o‘rin ravishi+dan, +ga, sari, tomon, +ga qarab.


88-mashq. Birikmalarni kengaytiring, hollarni aniqlang.

Тez payqadim, aytib qo‘yay deb keldim, so‘rashgani bordi, bilganimiz uchun bordik, silkina-silkina keldi, tez bordi, birpas og‘ridi, ancha ko‘tarildi, ko‘p yema, ikki hissa oshdi, uy ichi, kundan kun isidi, o‘qday uchdi, asta-sekin kirdi, muttasil gumburlaydi, astoydil bo‘ldi.

89-mashq. Biror badiiy asardan sabab holi ishtirok etgan gaplarni topib yozing (quyidagi shakllarga e’tibor bering: -ligi, -ligidan, -ib, sababli, tufayli).


90-mashq. O‘qing. Ravish holi bilan sifatlovchi aniqlovchilarni aniqlab, farqini tushuntiring.

1. Uning yoqimli qo‘shiqlarini eshitsam, o‘y-xayollarim uzoq-uzoqlarga uchib ketardi. 2. U xatni darrov yozdi. 3. Nega Oyqiz qichqirib yig‘laydi? 4. Hamon cholga termilib yotgan Xolbibining ko‘zlari jiqqa yoshga to‘ldi. 5. Xolbibi cholning so‘zlarini qunt bilan tinglab, yana o‘rnidan turishga intildi. Karavotdan zo‘rg‘a yerga tushib, bir zum tik turgan edi, ko‘zlari tinib, gandiraklab ketdi. Umurzoq ota uni darhol suyab qoldi. 6. Oyqiz oyisini chiroyli xontaxta oldidagi ko‘rpachaga avaylabgina o‘tkazdi. 7. Ertasiga Umurzoq ota yana yangi xabar keltirdi. 8. Qizining yelib-yugurib ish qilishini, uddaburonligini va, ayniqsa, o‘ziga muttasil mehri­bon­lik qilayotganini ko‘rgan ona ich-ichidan quvonardi. 9. O‘zini sovuqdan qaltirayotgandek his qilgan kampir qizi bergan choydan qaynoq-qaynoq ichgach, tanasiga yoqimli issiqlik yugurdi. 10. U nimjon qo‘llari bilan dasturxon ustidagi chiroyli piyolani oldi, odatdagidek tizzasining ustiga qo‘yib, piyolani ikki qo‘llab ush­laganicha, unga tikilgan holda xayolga cho‘mdi. (Sh. Rashidov)

91-mashq. Uyga topshiriq. Rasm asosida «O‘zbekiston qizlari» mavzusida matn tuzing. Matnda ishtirok etgan hollarni aniqlang.