O‘rтa maxsus, kasb-hunar тa’limi markazi

63-mashq. Uchta guruhga bo‘lining. Har bir guruh quyida berilgan hikmatlarni davom ettirishi kerak.

1. Ilm o‘rganmoq — e’tiqodni mustahkamlash uchundir, ammo boylik orttirmoq uchun emas.

2. Saxovatsiz boy yog‘insiz bulutga, ilmiga amal qilmagan olim ustiga kitob ortilgan eshakka o‘xshaydi.
3. Baxil o‘z molini asrash uchun qattiq azob chekadi. Hasadchi esa yaramas fe’li tufayli tinch yashay olmaydi. Unisi o‘ziga bergan azobdan qiynaladi, bunisi esa o‘z qilig‘idan dard chekadi.
Yozgan gaplaringizdan kesimni topib, ifodalanishiga va tuzilishiga ko‘ra turini ayting.


64-mashq. «O‘zbekiston tulporlari», ya’ni o‘zbek avtomobilsozligi haqida matn tuzib, gaplar ichida kelayotgan kesimlarga ta’rif bering.
65-mashq. Quyidagi berilgan so‘zlar, qo‘shimchalar yordamida kesimni shakllantirib gaplar hosil qilib, yozing.

1. -man, -san, -dir, -miz, -siz, -dir (lar).

2. Тo‘liqsiz fe’llar orqali.
3. Bo‘ldi, qildi, etdi kabi yordamchi fe’llar bilan.
4. Ot va sifat bilan ifodalanadigan kesimlar.


66-mashq. Iboralar kesim bo‘lib keladigan gaplarga misollar yozing. Gapning ma’no bo‘yog‘idagi farqini tushuntiring.

Namuna: Mustaqillik tufayli bag‘rimizga shamol tegdi.

67-mashq. Matnni o‘qing. Ot kesimni shakllantiruvchi vositalarni alohida ko‘chirib yozing. Bog‘lamalarining ostiga chizing.

«QADAMINGDAN O‘RGILAY, ISТIQLOL!»

Ozodlik! Naqadar totli So‘zsan! Bugun mendek bir g‘arib dilni, qishloqdagi oddiy bir oila farzandini butun dunyoga tanitding. Qadamingdan o‘rgilay, Istiqlol!»

«Xayr XX asr, salom XXI asr!»

Yaponiyada o‘tkazilgan xalqaro rasmlar ko‘rgazmasi ana shunday nomlandi. Dilfuza esa yer yuzi bo‘yicha shu tanlovda ishtirok etgan 5000 ishtirokchi ichida g‘olib bo‘ldi.

Izboskanning Тo‘rtko‘l qishlog‘ida yashovchi Dilfuza Matboboyeva yuzlab, minglab iqtidorli yoshlarimizning biri, xolos. O‘zbekiston bag‘rida hur shamollar o‘stirayotgan bunday navni­hollar hali behisob. Kelayotgan asr Sharq asri va, albatta, O‘zbekiston asri bo‘lishi shubhasizdir. Zero, bugungi Dilfuzalar tashlagan odimlar XXI asr shohsupalariga qo‘yilgan ilk qadamlarimizdir.
(M. Otamirzayeva)