O‘rтa maxsus, kasb-hunar тa’limi markazi

214-mashq. Quyidagi sodda gaplardan havola bo‘lakli gaplar hosil qiling.

1. Mehnatni sevmagan odam bir buzuqlikni qilishga tayyordir. 2. Hasad yurakning zanglanishi, qaysarlik — mag‘lubiyat sabab­chisidir. 3. Odobning yuqori bosqichi go‘zal xulqdir. 4. Insonning eng zo‘r yordamchisi o‘zining aqlidir. 5. Hayotda go‘zallik, quvvat va saodatning manbayi soddalikdir. 6. Qog‘ozga yozilib qolgan yaxshi nom tamom bo‘lmaydigan umrdir. 7. Qalbi pok bo‘lgan kishining ishlari ham pok, toza bo‘ladi.

(«Durdonalar xazinasi»dan)


215-mashq. Hikmatlarni o‘qing. Sodda gaplarni havola bo‘lakli qo‘shma gapga aylantiring. Havola bo‘lakli gaplarni esa o‘z holicha ko‘chiring.

BERUNIY HIKMAТLARI

 Agar kishi o‘z hirslaridan ustun tura olsa, o‘zidagi bor nuqsonlarni yo‘q qilib, ularni yaxshi sifatlarga aylantira oladi.

 Qayerda tenglik hukm sursa, u joyda sotqinlik, aldamchilik, g‘am-g‘ussa bo‘lmaydi.
 Bilimsiz kishilarning ko‘ngli xurofotga moyil bo‘ladi.
 Ne’matning qadri u yo‘qolgandan keyingina bilinadi.
 Har bir insonning qadr-qimmati uning o‘z ishini qoyil qilib bajarishidadir.
 Har bir yangi narsada lazzat bor.
 Ulug‘ hodisalar hamma vaqt ham yuz beravermaydi.
 O‘zi yaxshi bilmagan ishga uringan odam sharmanda bo‘ladi.
 Men o‘zimdan oldin o‘tganlarning xizmatlarini mamnuniyat bilan uqib oldim va ularning nuqsonlarini (mabodo shunday topilsa) tortinmay tuzatishga tirishdim. Davrimizga kech qolganlar va keyinroq bunyodga keladiganlar uchun muhim va namuna bo‘ladigan ishlarni abadiylashtirishga tirishdim. Har bir shaxs o‘z sohasida shunday qilmog‘i lozim.
 Odil podshohning asosiy vazifasi — oliy va past tabaqalar, kuchlilar va kuchsizlar orasida tenglik, adolat o‘rnatishdan iborat.


216-mashq. «Suv — bu hayot» mavzusida matn tuzing. Matn ichida havola bo‘lakli qo‘shma gaplarni ishlating.
38-dars. KO‘CHIRMA GAPLI QO‘SHMA