Orqali bartaraf etish

5. Xulosa va takliflar. 

Xulosa  qilib  aytganda,  yurtimizda  iqtisodiyotni  liberallashtirishga  qaratilgan  islohotlar 

amalga oshirilish barobarida, yurtboshimiz tomonidan jadal rivojlanish tendensiyalari ishlab 

chiqilayotgan  va  amalda  joriy  etilayotgan  ayni  davrda,  milliy  iqtisodiyotning  bosh  bo’g’ini 

hisoblangan  banklarning  daromadlilik  darajasini  oshirish  va  fuqarolarning  ularga  nisbatan 

ishonchini mustahkamlashda, yillar davomida ko'rsatib kelinayotgan bir turdagi xizmatlarga 

suyanibgina  qolmay,  jahon  tajribasidan  foydalangan  holda,  amaliyotda  samarali  daromad 

keltirayotgan  xalqaro  mahsulotlar  yordamida  milliy  bank  xizmatlarini  diversifikatsiyalash 

talab etiladi. Bu borada, vatanimiz uchun nafaqat diniy nuqtayi nazardan halol hisoblangan, 

balki  daromad  keltirish  nuqtayi  nazardan  ham  butun  jahonda  jadal  o'sish  ko'rsatkichlariga 

ega  bo'lgan  islomiy  moliyalashtirish  amaliyotini  joriy  etish  maqsadga  muvofiqdir.  Albatta, 

bozor  iqtisodiyotiga  asoslangan  ayni  davrda,  har  qanday  iqtisodiy  munosabatlarda, 

jumladan  islomiy  bank  faoliyatida  ham  banklar  ham,  bank  mijozlari  ham  har  ikki  tomon 

uchun  o'zaro  manfaatli  va  adolatli  bo'lgan  shartnomaga  erishishni  istaydilar,  va  bunday 

amaliyotni  islom  banklarining  ishlash  mexanizmida  kuzatish  mumkin.  Ta’kidlash  joizki, 

bugun  ushbu  tizim  taklif  etayotgan  mahsulotlarni,  jumladan,  bank  omonat  produktlarini 

milliy  iqtisodiyotimiz  tarkibiga  kiritish  orqali  fuqarolar  turmush  farovonligi  darajasining 

oshishiga va islomiy moliya instrumentlaridan foydalanadigan musulmon aholining iqtisodiy 

tizimlarga  bo'lgan  ijobiy  munosabatini  ta’minlashga  hamda  milliy  makroiqtisodiy 

ko'rsatkichlar tarkibida iqtisodiy xizmatlarning samarali daromadlilik hisobiga yuqori ulushni 

tashkil etishiga zamin yaratiladi. Zero, islom moliyasi instrumentlari va produktlarining milliy 

iqtisodiyotga jalb etilishi mamlakatimiz istiqboli uchun jamiyat a’zolari o’rtasida adolat bilan 

taqsimlangan  va  barcha  uchun  birdek  imkoniyat  beruvchi  iqtisodiy  rivojlanish-  inklyuziv 

rivojlanish omili bo’lib xizmat qiladi.