Orqali bartaraf etish

4.Tahlil va natijalar muhokamasi. 

Ayni  vaqtda,  hukumat  tomonidan  islomiy  omonat  produktlarini  joriy  etish  yuzasidan 

aniq jarayon ko’zda tutilmagan bo’lsa ham, islomiy moliyalashtirish mexanizmlarini qo’llash 

yuzasidan  loyihalar  mutasaddilar  tomonidan  davlat  e’tiboriga  taqdim  etilishi  kutilmoqda. 

Buning  isboti  sifatida,  O’zbekistonda  xizmat  ko’rsatgan  yurist,  yuridik  fanlari  doktori, 

Omonboy  Oqyulov  tez  orada  yangi  tahriri  ustida  ishlanilayotgan  “Fuqarolik  kodeksi”ga 

islomiy  moliyalashtirish  hamda  oldi-sotdi  munosabatlaridagi  mavjud  talab  va  qoidalarni 

kiritishni taklif etdi. U o’z fikrini izohlab, kodeks loyihasining 37-bobida tavakkalchilik burchi 

teng  taqsimlanadigan  qarz  va  kredit  shartnomalariga  bag’ishlangan  normalarga  o’rin 

berilishi  hamda  mamlakatda  islom  diniga  e’tiqod  qiluvchi  jamiyat  a’zolari  uchun  to’g’ri 

keladigan  shartnoma  konstruksiyalari  Fuqarolik  Kodeksida  o’z  ifodasini  topishi  lozimligini 

ta’kidladi.

5

  Shuningdek,  O’zbekistonda  yagona  qonun  chiqaruvchi  organ  hisoblangan  Oliy 

Majlis  Qonunchilik  Palatasi  deputati  Farhod  Zayniyev  o’z  murojaatida:  “Agar  biz 

fuqarolarimizning  bir  qismi  diniy  e’tiqodidan  kelib  chiqqan  holda  bank  xizmatlaridan 

foydalanishni  istamayotganligini  inobatga  olsak,  islomiy  moliyalashtirish  tamoyillariga 

asoslangan  bank  xizmatlari  ana  shu  qatlam  omonatlarini  iqtisodiyotga  jalb  etish,  ulardan 

esa  oqilona  foydalanish  uchun  katta  imoniyat  yaratadi”-deb  ta’kidladi  va  islom  moliyasi 

mahsulotlaridan  foydalanish  uchun  amaldagi  bank  qonunchiligi,  soliq  va  fuqarolik 

kodekslariga  hamda  boshqa  qonunosti  hujjatlariga  o’zgartirishlar  kiritilishi  yoki  alohida 

qonun  qabul  qilish  kabi  zaruriy  jarayonlarni  keltirib  o’tdi.  (Abdurasulov  va  Zayniyev,2020) 

Shunday  bo’lsada,  O’zbekiston  Respublikasi  Markaziy  banki  raisi  o’rinbosari,  Botir  Zohidov 

Oliy  Majlis  Qonunchilik  Palatasining  “Mikromoliyalash  to’g’risida”gi  qonun  loyihasini  qayta 

ko’rib  chiqish  yuzasidan  o’tkazilgan  yalpi  majlis  davomida  2019-yilda  banklar  faoliyatini 

rivojlantirish  bo’yicha  bir  qator  qonunlar  qabul  qilinganligi  bois,  ayni  vaqtda  amaldagi 

qonunchilikda islomiy banklarni ochish uchun to’g’ridan-to’g’ri cheklovlar mavjud emasligini 

asoslab  berdi.  Bu  holat  yuzasidan,  2020-yil  oxirida  mamlakatdagi  uchta  tijorat  banki 

tomonidan  islomiy  moliyalashtirishning  joriy  qilinishi  kutilayotganligi  hamda  bu  jarayonda 

yo’lga qo’yilishi talab etilayotgan texnologik ishlar joriy yil davomida ko’rib chiqilishi va hal 

qilinishini keltirib o’tdi.

6

 

Hukumatga  islomiy  moliyalashtirish  yuzasidan  bildirilayotgan  ushbu  loyihalar- 

mamlakatda  islomiy  moliyalashtirish  jarayonlari  tomon  yana  bir  ulkan  qadam 

tashlanganidan  darak  bermoqda.  Yuqorida  ta’kidlanganidek,  yil  oxirida  mahallliy  tijorat 

banklarida  islomiy  bank  darchalarining  ochilishi  va  ular  tomonidan  islomiy  moliyalashtirish 

tamoyillari asosida mijozlarga mablag’lar berish jarayonining boshlanishi bevosita  - islomiy 

omonat  produktlarini  milliy  bank  tizimiga  joriy  etish  masalasini  ham  imkoniyat,  ham 

zaruratga aylantiradi. Sababi, har qandan islomiy moliya instrumenti o’z faoliyatini va unda 

foydalanadigan  har  qanday  moliyaviy  resurslarni  shariat  inkor  etgan  elementlardan  holi, 

jumladan, an’anaviy bank xizmatlarini ko’rsatish jarayonida aylanayotgan pul mablag’laridan 

alohida  ravishda  tashkil  etishi  lozim,  aks  holda  bu  jarayon  asl  islomiy  moliyalashtirish 

mexanizmlarining noto’gri ishlashiga va tizim shaffofligining buzilishiga olib keladi. 

 

                                                           

5

 “Qonunchilikka islomiy moliya tartiblari kiritilishi taklif etildi”, 2020, manba: www.azon.uz. 

6

 “O’zbekistonda uchta bank islomiy moliyalashni joriy qilishga o’tyapti”2020, manba: www.kun.uz. 

---

17                                                     www.economyjournal.uz