O'quvchilarning texnik ijodkorligini boshqarish mundarija

Vazifa: 1. Yangiyil archasini o'rnatish uchun krestsimon mahkamlagich loyihasini ishlab chiqing.

2. 
   Yangi yil archasini o'rnatish uchun yig'ma metall konstuksiya loyihasini bajaring.
   
3. 
   Mahkamlagichning asosiy detallari chizmasini bajaring.
   
4. 
   Mahkamlagichningyig'ish chizmasi va texnik rasmini bajaring.
   

Texnik ijodkorlik mashg‘ulotlarini yuqoridagi kabi vazifalarni bajarish, ularni o‘quvchilar bilan birgalikda echimlarini muhokama qilib borish o‘quvchilarning mashg‘ulotlarga qiziqishini oshirib, ijodiy qobiliyatlari rivojlanishiga ko‘maklashadi. Mashg‘ulotlardagi grafik tasvirlarni bajarish jarayonida o‘quvchilar chizma bajarishning dastlabki ko‘nikmalarini egallab boradilar.

Texnologiya fani o‘quvchilarning politexnik bilimlarini rivojlantirish, ularda loyihalash ko‘nikmalarini shakllantirish kabi kundalik turmushda zarur bo‘lgan bilim va ko‘nikmalarni shakllantirishda alohida o‘rin tutadi. Shuning uchun ham maktab o‘quvchilarida grafik bilim va savodxonlikni shakllanishi muhim ahamiyat kasb etadi.

Xulosa

Bu bobda o‘quvchilarning texnologiya va texnik ijodkorlik mashg‘ulotlariga qiziqishlarini orttirish, fanning amaliy ahamiyati, uning turmushda, texnikada, kishilarning kasbiy faoliyatlarida qo‘llanilishini tushuntirish maqsadida o‘quvchilarni grafika, uning rivojlanishi va amaliy ahamiyati bilan tanishtirish bo‘yicha qo‘shimcha materallar tayyorlanib, ularning mazmuni ochib berildi.

O‘quvchilarning grafik madaniyatlarini to‘g‘ri shakllanishi va rivojlanishida chizmachilik asboblari va ularni ishga tayyorlash hamda chizma bajarish texnikasining ahamiyati kattaligi tahlil qilinib, shu bo‘yicha nazariy ma’lumotlar va grafik tasvirlarga qo‘shimcha ma’lumotlar ishlab chiqildi. Ularni ta’lim jarayoniga kiritish bo‘yicha tavsiyalar berildi.
Grafika, uning shakllanishi va rivojlanishida grafik tasvirlar yozuvlardan ilgari paydo bo‘lganligi va ularning takomillashib borishi bilan dastlabki yozuvlar paydo bo‘lganligi ko‘rib chiqildi. O‘zbekistonda grafik tasvirlarning rivojlanish bosqichlari, qadimiy tasvirlar, tarixiy me’moriy yodgorliklarni bunyod qilinishida grafik tasvirlarning o‘rni o‘rganildi. Grafika rivojlanishida muhim ahamiyatga ega bo‘lgan Samarqand qog‘ozining o‘rniga to‘xtalib o‘tildi. Hozirgi davrda grafikaning inson faoliyatida tutgan o‘rni tahlil qilinib, har bir kishi minimal grafik savodxonlik va grafik madaniyat ko‘nikmalariga ega bo‘lishi zarurligi qayd qilindi.
Texnik ijodkorlik fanining mohiyati, vazifalari va o‘ziga xos xususiyatlari o‘rganilib, umumta’lim maktablarida texnik ijodkorlik mashg‘ulotlarini tashkil qilishning nazariy jihatlari tahlil qilindi. Umumiy o‘rta ta’lim maktablarining texnologiya fani bo‘yicha o‘quv dasturida o‘quvchilarni xalq amaliy san’ati turlari bilan tanishtirish va ularni amaliy mashg‘ulotlarda o‘rganish ko‘zda tutilgan. Bunda o‘quvchilarni amaliy san’at turlarining ko‘pchiligida keng qo‘llaniladigan murakkab bo‘lmagan turli naqshlarni bajarishga o‘rgatish ham rejalashtirilgan. Biz bitiruv malakaviy ishimizning ushbu bobida girix naqshlari bajarishning sodda usullarini bosqichma- bosqich ko‘rib chiqdik. Girixlarni rangda bo‘yab taxt qilishga namunalar keltirdik. Girix naqshlarini bajarishda o‘quvchilar grafik madaniyatini to‘g‘ri shakllantirish bo‘yicha umumiy tavsiyalar berildi.
Texnik ijodkorlik mashg‘ulotlarida o'quvchilarning ijodkorlik qobiliyatlari va grafik savodxonligini shakllantirish bo‘yicha konstuksiyalash elementi bo‘lgan topshiriqlarga namunalar keltirildi. O‘quvchilarning ijodkorlik qobiliyatlarini rivojlantiruvchi topshiriqlar variantlarini tuzishda o‘quvchilarga tanish bo‘lgan buyumlarning konstruksiyalarini takomillashtirishga oid variantlar tanlandi.