O’quv-uslubiy boshqarma tomonidan ro’yxatga olindi

O‘quv fanning dolzarbligi va oliy kasbiy ta’limdagi o‘rni

O‘zbekiston Respublikasida iqtisodiyotni liberallashtirish sharoitida mamlakat moliya tizimini isloh qilish, iqtisodiyot sohalarida sodir bo’ladigan moliyaviy munosabatlardagi dolzarb muammolarni aniqlash va tahlil qilish alohida o‘rin egallaydi.

O‘zbekiston Respublikasini rivojlantirishning ustuvor vazifalarini bajarish, iqtisodiyotni barqaror va mutanosib rivojlantirish, jahon bozorlarida mustahkam o‘rin egallash, shular asosida izchil iqtisodiy o‘sishni ta’minlash, aholining hayot darajasi va farovonligini yanada oshirish borasidagi vazifalarni to‘liq va samarali amalga oshirish sharoitida moliya mexanizmlarini puxta o‘rganish har qachongidan ham dolzarbdir. Moliya tizimida faoliyat yurituvchi mutaxassislardan moliyaviy munosabatlarni to‘g‘ri va samarali tashkil etish mexanizmlarini puxta bilish va amaliyotda qo‘llay olish talab etiladi. Shu sababli bakalavriatning “Moliya” ta’lim yo‘nalishlari o‘quv rejasiga “Moliyaning dolzarb muammolari” nomli fan kiritilgan bo‘lib, ushbu fan dasturida fanining predmeti, maqsad va vazifalari, moliya nazariyasining dolzarb muammolari, soliq islohotlarining asosiy yo’nalishlari, davlat byudjeti xarajatlari ijrosining dolzarb muammolari, byudjet siyosati va barcha darajadagi byudjetlar barqarorligini ta’minlashning dolzarb muammolari, davlatning iqtisodiy-ijtimoiy rivojlanish dasturlarini moliyaviy ta’minlash masalalari, davlat byudjetining o’rta muddatli istiqbolini belgilash va natijaga yo’naltirilgan byudjetlashtirishni joriy etish masalalari, demografik muammolarning moliyaviy jihatlari va pensiya tizimidagi islohotlar, moliya bozorini rivojlantirishning dolzarb muammolari, O’zbekiston iqtisodiyotiga investitsiyalarni jalb qilishning dolzarb muammolari, korporativ moliyaning dolzarb muammolari, O’zbekistonda islom moliyasini rivojlantirish masalalari, O’zbekistonda raqamli moliyani rivojlantirish va kripto-birjalar faoliyatini tashkil etish masalalari, zamonaviy moliyaviy globallashuvning O’zbekiston moliya tizimiga ta’siri kabi masalalar qamrab olingan.

2.