O’quv-uslubiy boshqarma tomonidan ro’yxatga olindi

III. FANNI O‘QITISHDA INNOVATSION TA’LIM TEXNOLOGIYALARI HAMDA O‘QUV MAShG‘ULOTLARINI LOYIHALASH
Fanni o‘qitishda interfaol, kommunikativ, pertseptiv yondashuvlardan maksimal darajada foydalanish, o‘quv adabiyotlaridan tashqari autentik materiallar: audio, video, jurnallar, internet manbalaridan o‘zlashtirilgan bilimlar majmuasini amaliyotda kuzatilayotgan dalil va hodisalarga bog‘lay olish, olingan natijalarni baholash, tahlil qilish orqali kasbiy faoliyat uchun zarur bo‘lgan bilim, malaka va kompetentsiyalarni innovatsion tafakkur layoqati negizida shakllantirishga alohida e’tibor qaratish talab etiladi.

Yuqoridagilardan kelib chiqib, o‘quv mashg‘ulotlarini loyihalash jarayonida:

- mezonni tanlash;

- o‘quv maqsadlarini toifalash;

- o‘quv materiallarini modullashtirish;

- ularni o‘rganish, tahlil qilish va qayta ishlash;

- o‘rganish natijalarini aniqlash kabi omillarga qaratish orqali ta’lim oluvchida nazariy bilimlar puxta egallanishi hamda ularni amaliyotda qo‘llash ko‘nikmasini shakllantirish, mustaqil ta’limni samarali tashkil etish talab etiladi.

Fan doirasida talaba moliyaviy munosabatlarning barcha sohalaridagi moliyaning dolzarb muammolarini o’rganadi va o’zining bilim olish faoliyatini ularni bartaraf etish bo’yicha ilmiy qarashlar, ilmiy xulosalar va ilmiy tavsiyalar ishlab chiqishga yo’naltiradi. Ushbu fanning nazariy va ilmiy xulosalari ilm-fanning rivojlanishiga, ijtimoiy ishlab chiqarish jarayonlarida iqtisodiy samaradorlikning oshishiga, iqtisodiyotning innovatsion rivojlanishiga yo’naltiriladi.

Talaba “Moliyaning dolzarb muammolari” fanini o‘zlashtirishda ta’limning innovatsion usullaridan foydalanishi, yangi pedagogik, axborot va internet texnologiyalarini taеbiq qilishi muhim ahamiyat kasb etadi. Fanni o‘zlashtirishda o‘quv-uslubiy ta’minot (darslik, o‘quv va uslubiy qo‘llanmalar, Modul topshiriqlari)dan foydalanilish tavsiya etiladi. Ma’ruza va amaliy mashg‘ulotlarda turli metod va vositalardan, xususan, aqliy hujum, klaster, amaliy ish va didaktik o‘yinlar, portfolio, keys-stadi, shuningdek, kompyuter dasturlaridan (Microsoft Excel, Microsoft PowerPoint, TopS Business Integrator, Hyperion Enterprise, WebTrust, SysTrust), Internet tizimlaridan foydalanish mumkin.

“Moliyaning dolzarb muammolari” fani “Moliya” bakalavriat ta’lim yo’nalishining 4-kurs VIII-semestrida o‘qitilib, unda ma’ruza, amaliy, mustaqil ta’lim mashg‘ulotlari semestrlar bo‘yicha quyidagi jadval asosida amalga oshiriladi.