O‘quv qo‘llanma

14.6. Lokomotivlarni ekspluatatsiya qilish boshqarmasi

Lokomotivlardan foydalanish boshqarmasi jamiyatning muhim bo‘linmalaridan biri hisoblanib, uning ixtiyorida tortish kuchi – qudratli teplovozlar va elektrovozlar parki mavjud bo‘lib, u barcha turdagi yuk, yo‘lovchilar va shahar atrofidagi tashish ishlarini, manyovrlash ishlarini ta’minlaydi.

Jamiyatning barqaror faoliyatini ta’minlash maqsadida sakkizta depoda lokomotivlarni va MVHT texnik xizmat ko‘rsatish va joriy ta’mirlash bo‘yicha ta’mirlash-ogohlantirish tizimi amalga oshirilmoqda, «O‘ztemiryulmashta’mir» UK zavodida esa lokomotivlarni mukammal ta’mirlash va ularning xizmat muddatini uzaytirgan holda tiklash ishlari bajarilmoqda.
Lokomotiv xo'jaligining asosiy vazifalari quyidagilardan iborat:
- lokomotivlarga texnik xizmat ko'rsatishni ta'minlash;
- lokomotivlarni joriy ta'mirlash ;
- lokomotivlarning sozligini ta’minlash;
- harakat xavfsizligi va poezdlar harakati jadvali bajarilishini ta'minlash;
- lokomotivlardan samarali foydalanishi;
- ishlab chiqarish tejamkorligi;
- eksplutatatsiya ishi;
- Lokomotiv brigadalarining ishlarini sifatli bajarish;
- ta'mirlash brigadalarining ishlarini sifatli bajarish;
- moddiy va texnik ta'minotni ta'minlash;
- lokomotivlarning yangi turlarini joriy etish va eski seriyali lokomotivlarni modernizatsiyalash.


15-BOB. Mintaqaviy temir yo‘l uzellari faoliyatini boshqarish
15.1.Mintaqaviy temir yo‘l uzellari: tashkiliy tuzilishi va vazifalari

O‘zbekiston Respublikasi Adliya vazirligida 2015 yil 28 mayda davlat ro‘yxatidan o‘tkazilgan “O‘zbekiston temir yo‘llari” AJ boshqaruv raisining 2015 yil 4 avgustdagi 308-N-sonli “O‘zbekiston temir yo‘llari” AJni restruktizatsiya qilish to‘g‘risidagi buyrug‘iga asosan mintaqaviy temir yo‘l uzellari “O‘zbekiston temir yo‘llari” AJ tarkibiy tuzilmasiga kiritilgan.

Mintaqaviy temir yo‘l uzeli jamiyatning tarkibiga kiradi va belgilangan chegaralarda iste’molchilarga temir yo‘l transporti xizmatlarini taqdim etuvchi yuridik maqomga ega tarkibiy bo‘linma hisoblanadi.
Uzel «O‘zbekiston temir yo‘llari» aksiyadorlik jamiyatining tarkibiy bo‘linmasi hisoblanadi. Uzelning boshqarish apparati uning tarkibiga kiruvchi bo‘linmalarga nisbatan xo‘jalik boshqaruvining yuqori turuvchi organi xisoblanadi.
Uzelning faoliyati O‘zbekiston Respublikasi konstitutsiyasi,O‘zbekiston Respublikasi qonunlari, Oliy Majlis qarorlari, O‘zbekiston Respublikasi Prezidenti farmonlari, Vazirlar Maxkamasining qaror va farmoyishlari,temir yo‘l transportida xarakat havfsizligini nazorat qilish bo‘yicha Davlat inspetsiyasi qarorlari, yuklarni tashish qoidalari, kompaniya boshqaruvi raisi buyruqlari, boshka me’yoriy xujjatlar, shuningdek, ushbu uzel Ustavi asosida amalga oshiriladi.
Uzel ustavi aksiyadorlik jamiyati boshqaruvi raisi tomonidan tasdiklanadi va mahalliy xokimiyat organlari tomonidan ro‘yxatga olinadi.
Uzel yuridik shaxs xisoblanib, mustaqil balansga, bank muassasalarida xisob raqamiga, mustakil buxgalteriya va statistika xisobotiga, yumaloq ramzli muxr va burchak shtampiga ega.
Aksiyadorlik jamiyat va uzel o‘rtasidagi moliyaviy-xo‘jalik aloqalar xamda uzel va uning bo‘linmalari orasidagi munosabatlar tasdiklangan Nizom orqali boshqariladi. Mintaqaviy temir yo’l uzellarining namunaviy boshqaruv tuzilmasi -rasmda keltirilgan.