O’quv materiallar

Bacillus turkumi vakillari preparatlari.
Sporali preparatlarning davolovchi ta’siri ularning patogen va shartli­patogen bakteriyalarning (proteylar, stafilokokklar va Candida turkumidagi zamburug‘lar) keng spektoriga qarshi antagonistik hususiyatga egaligidir.
Bu preparatlar fermentlar kompleksini tutib, bu fermentlar o‘z navbatida ovqat hazm bo‘lishini rag‘batlantiradi va nutrientlarni yaxshiroq o‘zlashtirilishiga va so‘rilishiga sabab bo‘ladi, proteolitik va fibrinolitik ta’sirga ega bo‘lganligi uchun yallig‘lanish sohalaridagi nekroz to‘qimalardan tozalanishiga yordam beradi⁶³.
Prebiotiklar – mikrob tabiatli bo‘lmagan preparatlar bo‘lib organizmga ijobiy ta’sir etadi. Asosan ichak normal mikroflorasini metabolik faolligini kuchaytiradi yoki o‘sishiga tanlovchan ta’sir etadi.
Asosiy hususiyati – ichak normal mikroflorasini normal rivojlanishini va o‘sishini rag‘batlantiradi.
Prebiotiklar uglevodlar bo‘lib «yaxshi» bakteriyalar uchun ozuqa manbasi hisoblanadi. Ular pomidorlarda, sparjada, piyozda, chesnokda, artishokda, sikoriyda va bananlarda bo‘ladi.
Simbiotiklar – biologik faol moddalar bo‘lib, funksional oziqlanishni tarkibiga kiradi. Lactobacillus va Bifidobacterium turining bir yoki bir necha vakillari bilan boyitilgan bo‘ladi.
Preparatlar:

• 
  Biovestin-lakto (o‘z tarkibida bifidogen omillarni va B.bifidum, B.adolescentis, L.plantarum biomassasi tutadi);
  
• 
  Maltidofilyus (o‘z tarkibida maltodekstrin va B.bifidum, L.acidornilus, L.bulgaricus biomassasi tutadi);
  
• 
  Bifido-bak (o‘z tarkibida topinambur fruktooligosaxaridlarini va bifidobakteriya va laktobatsillalardan iborat kompleksni tutadi);
  
• 
  Bifidumbakterin-multi 1,2,3 va Bifistim 1,2,3 (B.bifidum, B.longum, B.adolescentis bifidobakteriyalarning turli to‘plamlarini tutadina);
  
• 
  Laminolakt (aminokislotalar, pektinlar, dengiz karami va enterokokklarni tutadi).