O’quv materiallar Ma`ruza mashg’ulotlari

Ishning bajarilish tartibi
1. Berilgan mashqlardagi ravish so’zlar topib ajratib yoziladi.
2. Topilgan ravish ma’no turlarini aniqlanadi.
3. Ravishlardagi fonetik o’zgarishlarga e’tibor beriladi.
4. Topilgan ravishlarning sintaktik vazifasiga e’tibor qaratiladi
5. Ravishlarning tuzilishiga ko’ra turlariga e’tibor beriladi


1-mashq. Gaplarni o‘qib, ravishlarni aniqlang va ularning ishlatilish o‘rinlariga diqqat qiling.

1. 
   Biz ona yurt, aziz Vatan debon sog‘inch va orziqishlarda yashaymiz, mo‘tabar tuprog‘imizning har bir qarich yerini, har bir giyohini ko‘zimizga surtamiz. 2. Siz Sherali Jo‘rayev bugun Toshkentda ijro etgan yangi qo‘shiqning ikki kundan keyin Termiz shahridagi ovoz yozish nuqtalarida yangrayotganiga ajablanmaysiz, chunki bilasiz: yaxshi qo‘shiq ham xushxabardek tez tarqaladi. (S. Sayyid) 3. Gaplaringizdan juda shodman, lekin mana bu cho‘pon hamma gapdan, hatto mendan, mening hayotimdan ham xabardor bo‘lgan Qo‘ychibor aka kim bo‘ldi? 4. Bu bir hikoyat va yo rivoyatdir, balkim tiriklik quyidagi aytilgan qo‘shiqdir. 5. U ba’zan tojikcha lahjada gapirardi, ba’zan o‘zbekcha qochirimlar qilardi. (Sh. Jo‘rayev) 6. Odamlar g‘urur, chegarasiz manmansirash tufayli ne-ne kulfatlarga duchor bo‘lmagan deysiz, shuning uchun ham Islom tafakkurining buyuk natijasi hisoblangan so‘fizmda infe’l o‘z «men»idan kechmay turib Ollohni tanimaydi, degan aqida bor edi. 7. Infe’l sirliligicha qolaveradi, ammo odamzod bir-birini anglab yetmaguncha, olam tinch, dunyo farovon bo‘lmaydi. (S. Mo‘min)