O’quv darslik

Rp.: Chlorali hydrati 4,0 
Mucilaginis Amyli 20 ml 
Aquae destillatae ad 60 ml 
M.D.S. 1 osh qoshiqdan uyqudan 30 daqiqa oldin ichilsin
 
Suspenziyalar 
Suspenziyalar
– suspensio (bosh kelishik, birlik sonda suspensio, 
qaratqich kelishik, birlik sonda suspensionis, qisqartirilgan holda – susp.). 
Suspenziyalar – suyuqlikda erimaydigan qattiq dori Moddalarning
suyuqlikdagi muallaq holatdagi mayda-mayda zarrachalaridir. Ular dispers 
muhit (suv, o‘simlik moylari, glitserin va b.) va dispers faza (suyuqlikda 
mutlaqo erimaydigan qattiq dori Moddalarning zarrachalari) dan tashkil topgan 
dispers tizim hosil qiladi. Suspenziyalar kolloid eritmalardan muallaq holatdagi 
zarrachalarining o‘lchamlari bilan farq qiladi (0,1 mkm dan katta). 
Zarrachalarning o‘lchamiga bog‘liq holda yupqa (0,1-1 mkm) va dag‘al (1 mkm 
dan katta) suspenziyalar farqlanadi. Suspenziyalar ichish va sirtga qo‘llash 
uchun buyuriladi. Steril suspenziyalarni mushak ichiga yuborish mumkin. 
Suspenziyalar retseptda kengaytirilgan va qisqartirilgan shakllarda yoziladi. 
Retseptda suspenziyani chayqatish to‘g‘risida albatta ko‘rsatma berilishi shart!
Agarda suspenziyalarni tayyorlashda suyuqlik o‘rnida suv ishlatilsa, bunday 
suspenziyaga retsept faqat foizli shaklda yoziladi.
Misol.
Gidrokortizon atsetatning suvdagi 0,5 % li suspenziyasidan 10 ml 
yozib berilsin. Ko‘zga 2 tomchidan kuniga 4 mahal tomizib turish uchun 
buyurilsin. 
Rp.: Suspensionis Hydrocortisoni acetatis 0,5 % – 10 ml 
D.S. Ko‘zga 2 tomchidan kuniga 4 mahal tomizilsin. Ishlatishdan 
oldin chayqatilsin! 
Shuningdek ofitsinal suspenziyalar ham bo‘ladi. Ular retseptda 
qisqartirilgan shaklda va konsentratsiyasi ko‘rsatilmagan holda yoziladi. 

---

- 95 -
Misol.
Grizeofulvin suspenziyasidan 100 ml iga retsept yozib berilsin. 1 
desert qoshiqdan kuniga 3 mahal ichish uchun buyurilsin.