O’quv darslik

GLIKOPEPTIDLAR 
Ushbu guruhning asosiy preparati murakkab glikopeptid bo‘lgan 
vankomitsindir. Uni Streptomyuces orientalis aktinomitseti hosil qiladi. 
Bakteriyalarning hujayra devorini sintezini buzadi va bakteriotsid
1
ta'sir 
ko‘rsatadi. Grammusbat kokklar shu jumladan metatsillinga chidamlilik 
ortirgan, β-laktamaza hosil qiluvchi stafilakokklarga qarshi yuqori faollikka ega 
klostridiyalarga shu jumladan, 
Clostridium difficile
hamda korinobakteriyalarga 
ta'sir ko‘rsatadi. Me'da-ichak traktidan yomon so‘riladi. Agarda sistemali ta'sir 
lozim bo‘lsa, preparatni tomirga kiritiladi. Gematoensefalitik barerdan, ayniqsa 
meningitda o‘tadi. 
Vankomitsin grammusbat, penitsillinga chidamlilik orttirgan kokklar 
qo‘zg‘otgan infeksiyalarda, enterokolitlarda, shu jumladan psevdomembranoz 
kolitlarda qo‘llaniladi. Preparat zaharlilikka ega ekanligi uni qo‘llashni 
cheklaydi. U ototoksik va nefrotoksik ta'sirga ega, flebitlar rivojlantirishi 
mumkin. 
Kamdan-kam 
hollarda 
allergik 
reaksiyalar, 
neyropeniya, 
trombotsitopeniya rivojlanadi. 
Bu guruhga teykoplanin antibiotigi ham kiradi. Xossalari bo‘yicha 
vankomitsinga o‘xshash. Davomli ta'sir etadi. Bir kunda bir marta mushak yoki 
tomirga kiritiladi. 
___________________________ 
1
Bundan tashqari vankomitsin sitoplazmatik membrana o‘tkazuvchanligiga va 
RNK sinteziga ta'sir ko‘rsatishi haqida malumotlar mavjud. 

---

- 862 -
 
FUZIDIEV KISLOTA 
Bu ta'sir spektri tor antibiotikdir. Natriyli tuz ko‘rinishida qo‘llanadi. 
Asosan grammusbat bakteriyalyarga ta'sir ko‘rsatadi. Bakteriyalarda oqsil 
sintezini susaytiradi. Bakteriostatik ta'sir etadi.Enteral kiritilganda yaxshi 
so‘riladi. Katta miqdorda suyak to‘qimasida to‘planadi. Jigarda metabolizmga 
uchraydi. Safro tarkibida ajraladi. Penitsillinga chidamlilik orttirgan, 
stafilokokkli infeksiyalarda, ayniqsa osteomielitlarda qo‘llaniladi. Dispepsiya, 
sariqlik, terida toshmalar kabi noxush ta'sirotlarga ega.