O’quv darslik

 __________________________ 
1
Boshqa qator davlatlarda polimiksin V va polimiksin ye (kolistin) eng ko‘p 
tarqalgan. 

---

- 860 -
Polimiksin M mahalliy, unga sezgirligi yuqori bo‘lgan mikroorganizmlar 
(asosan gramm manfiy mikroblarga shu jumladan ko‘k yiring tayoqchasi) 
ta'sirida rivojlangan yiringli jarayonlarini davolashda samaradordir. Polimiksin 
M ni enteral va mahalliy qo‘llanilganda nohush ta'sirlar kamdan-kam 
rivojlanadi. Ichilganda preparattni mahalliy ta'sirlovchi xossasi bo‘lganligidan 
dispeptik o‘zgarishlar ko‘rsatishi mumkin. Ba'zan superinfeksiya rivojlanadi. 
Allergik reaksiyalar amaliy jixatdan kuzatilmaydi. Polimiksin M sulfatni 
qo‘llash mumkin bo‘lmagan holat sifatida buyraklar xastaliklari hisoblanadi. 
Antibiotikni kuchli neyrotoksik ta'sirini inobatga olib, uni xattoki enteral yoki 
mahalliy qo‘llaganda ham buyraklarlar funksiyasini muntazam nazorat qilish 
zarur. 
Yangi antibiotik daptomitsin kimyoviy tuzilishi bo‘yicha polimiksinni 
eslatadi. 
Siklik 
polipeptidlarga 
mansub. 
Steptomyces 
roseasporus 
fermentatsiyalanish mahsulotlaridan olinuvchi yarim sintetik antibiotik 
hisoblanadi. Bakteriyalarning sitoplazmatik membranalari bilan bog‘lanadi, 
ularni nobud bo‘lishiga olib keladi. Gramm manfiy va gramm musbat 
bakteriyalarga bakteriotsid ta'sir etish xossasiga ega. Anaerob bakteriyalarga 
juda kam ta'sir ko‘rsatadi. Nojo‘ya ta'sirotlar sifatida ko‘ngil aynish, qayt qilish, 
mushaklarda og‘riq, miopatiya va boshqalar yuzaga kaelishi mumkin. Tomirga 
kiritiladi. Boshqa antimikrob vositalar samarasiz bo‘lganda qo‘llaniladi. 
 
LINKOZAMIDLAR 
Ushbu gruhga klindomitsin mansub. U bakteriyalarda oqsil sintezini 
susaytiradi odatda bakteriostatik ta'sir ko‘rsatadi. Asosan anaeroblar 
(Vacteroides fragilis va boshqalar) streptokoklar va stafilakoklarga qarshi 
faoldir. Ichakdan yaxshi so‘riladi. Gematoensefalitik to‘siqdan yomon o‘tadi. 
Jigarda metabolizmga uchraydi. Buyrak orqali va safro tarkibida ajraladi. 
Asosan bakteroidlar qo‘zg‘atgan infeksiyalar ayniqsa Vacteroides fragilis 
bilan qorin bo‘shlig‘ini jaroxatlanishida qo‘llaniladi. 

---

- 861 -
Eng hafli noxush ta'siri bu psevdomembranoz kolit (shilliq va qon aralash 
ajratmalardan iborat diareya rivojlanadi va qorinda og‘riq, isitmalash) 
hisoblanadi. Bu ichakda bo‘lishi mumkin bo‘lgan clostridium difficile toksini 
bilan bog‘liq disbakteriozning bir ko‘rinishidir. Ushbu asoratni vankomitsin va 
metronidazol bilan davolanadi. Kamdan-kam hollarda allergik reaksiyalar,
jigarning jarohatlanishi, leykopeniya kuzatiladi.