O’qituvchi va murabbiylar kuniga bag’ishlangan tadbir ssenariysi

O’qituvchi va murabbiylar kuniga bag’ishlangan tadbir senariysi

1- boshlovchi:

Azaldan ustozni ulug’lar xalqim,

Ularga ezgulik tilamoq haqqim.

Bunchalar buyuksiz, bunchalar zukko,

Umringiz mo’jiza-yetmaydi aqlim.

1 -boshlovchi:

Assalomu alaykum aziz ustozlar va qadrli mehmonlar.

Bugun mehribon, jafokash, mashaqqatli, shu bilan birga, sharafli kasb egasi o'qituvchi ya'ni ustozlar bayrami. Biz bugun 4-umumiy o’rta ta’lim maktabining 4- sinf o’quvchilari bilan birgalikda aziz ustozlarni qutlab “Siz doim e’zozdasiz aziz ustozlar’” deb nom olgan tadbir tayyorlaganmiz. Sizning ruhsatingiz bilan ushbu tadbirimizni ochiq deb e’lon qilamiz.

1 -boshlovchi:

Assalom, maktabim-muqaddas dargoh,

Assalom, ustozlar-kasbkori saboq!

Assalom, do’stlarim-menga qo’shqanot,

Sinfdosh! Hayotga ishonch bilan boq.

Assalom, ona, yurt tonglar o’lkasi,

Tarif-tavsifingning yo’q nihoyasi.

Senga bag’ishlanar muqaddas qo’shiq,

Bu o’zbek elining o’z madhiyasi

Hozirgi navbatni O’zbekiston Respublikasining Davlat Madhiyasiga bersak marhamat

1- boshlovchi

Dunyoda kasblar ko’p, har birining hayotda o’z o’rni, o’z ahamiyati bor. Lekin ular orasida shunday ulug’ kasb borki, boshqa barcha kasblar uning negizida shakllanadi va taraqqiy etadi. Bu olijanob kasb – muallimlikdir.

Bugungi kunda ta’lim jarayonining rivojlanishida eng avvalo bu yurtimizning tinch ekanligidandir . Endigi navbatni Vatanimizni madh etkuvchi she’rlarga bersak .Marhamat

Nigina ,Hojiakbar,Zahro ,Akmal,Sardor

1- boshlovchi

Qo’limga qalamni ushlatdi ilk bor,

Shu ondan qalbimda boshlandi bahor.

Undanda buyukroq, ulug’roq kim bor?

Ustozim, ustozim sizga ming ta’zim!

Endigi navbatni o’quvchilarimiz ijrosida “O’zbek bolasi ”qo’shig’iga bersak marhamat

1 – boshlovchi

Zulmatni yoritgan chiroq o`zingiz

Ezgulikka chorlar ustoz so`zingiz

Jamiyatda munosib o`rin olgaydir

Siz tarbiya etgan o`g`il-qizingiz

Bugun barcha madhlaru, barcha kalomlar faqat sizlar uchundir aziz ustozlar. Keling hozir shogirdlarimizdan sizni madh etuvchi she’rlarini tinglasak. Marhamat Afruz ,Nursulton, Ruxshona ,Shodiya

1 – boshlovchi

O’qishni o’rgatib, ko’zni ochdingiz,

Ilm sirlarini qalbga sochdingiz.

Otaday ulug’siz, kelajak-sizsiz

Ustozim, ustozim sizga ming ta’zim!

Endigi navbatni o’quvchilarimiz ijrosida Aziz ustozlar qo’shiqlarga bersak marhamat

1 - boshlovchi

Dard bo’lsa dardlashgan doim biz bilan,

Sirdoshdek sirlashgan hatto biz bilan.

Qalbimiz, mehrimiz, ustoz, siz bilan

Ustozim, ustozim sizga ming ta’zim

Endigi navbatni o’quvchilarimiz ijrosida Ustozlarimizga atalgan sherlarga bersak marhamat

1- boshlovchi

Olamning gultojisi inson bo’lsa, ular orasida Olloh nazari tushgani, suyuklisi ustoz- ya’ni muallimlardir.

Endigi navbatni Yulduzlar raqsiga bersak marhamat

1- boshlovchi

Bizlarning har bir savolimizga chuqur e’tibor va bosiqlik bilan javob beruvchi, elning nazaridagi inson bu - birinchi muallimdir

Sizlarga bugun qo’limizni ko’ksimizga qo’yib tashakkur aytamiz.

Qadri bilinadi endi menga goh

Olis maktabimning o’sha behasham

Navoiy-ku bizga ustozdir biroq

Kimdir o’qirgan-ku Navoiyni ham

Shunday buyuk zotga harf o’rgatgan kim

Oddiy muallim-da oddiy muallim

Ustoz. Bu so`zning zamirida olam-olam ma’no bordir. Bu so`zning zamirida sharaf tursada, uning ortida mashaqqatli mehnat yotadi. Hozirgi navbatni she’rlarga bersak marhamat. 4-A

1. 
   boshlovchi
   

Darhaqiqat, ustoz va murabbiylar shunday buyuk, ulug’ insonki, ulardan bir umr qarzdormiz. Ustoz va shogirt quyosh bilan oyga o’xshaydi. Oy quyoshdan nur olib borlini yoritgani kabi, shogirt ustozdan ziyo olib hayot mash’alini yoqadi.

Endigi navbatni o’quvchilarimiz ijrosida ajoyib bir raqsga bersak marxamat (Chamanda gul )

1- boshlovchi

Quyoshni qaritar zahmatlaringiz,

Ellarda dostondir mehnatlaringiz.

Yog’ilgay siz uchun rahmatlarimiz

Bizning muallim, muallimlarim

Shogirtim obroyim, yuzim degan zot

Ishonchim, umidim, ko’zim degan zot.

Bolajonim- o’g’lim, qizim degan zot

Bu sizsiz ustozlar, hokisorlarim!

Endigi navbatni 4-“A” sinf o’quvchilari ijrosida Ustozlarimizga atalgan she’rlarga bersak marxamat Mubina Yusuf

Endigi navbatni Qizlarimiz ijrosida Go’zal raqs tomosha qilsak marhamat.

1 -boshlovchi

Endi so’z navbati ___________________________________________________________________________________________________________________

1- boshlovchi

Dedilar: dunyoda asli kim aziz

Aytdilar: ustozdir, ustoz begumon.

Tag’in aytdilarki: aziz shubhasiz

Ustoz qadriga yetolgan inson.

Endigi navbatni Ustoz yaxshida qo’shig’iga bersak marhamat

1- boshlovchi

Shuning bilan ustozlar va murabbiylar kuniga bag’ishlab o’tkazilgan bayram dasturimiz o’z nihoyasiga yetdi. Xayr. Omon bo’linglar