Operatsion tizimlar «Informatika va Axborot texnologiyalari»

Fayllar va kataloglarni qayta nomlash hamda jo‘natish.

Faylni, katalog yoki fayllar guruhini qayta nomlash uchun kursor bilan qayta nomlanadigan fayl yoki katalogni ko‘rsating yoki fayllar, kataloglar guruhini ajrating va F6 tugmachasini bosing. Norton Commanderning so‘roviga javoban fayllarning yoki kataloglarning yangi nomini kiritish (agar bir nechta fayl yoki katalog qayta nomlanayotgan bo‘lsa, yangi nomda * va ? simvollari bo‘lishi kerak) va Enter tugmachasini bosish kerak. O‘sha "F6" tugmachasi yordamida siz boshqa katalogga fayl, katalog yoki fayllar yoxud kataloglar guruhini jo‘natishingiz mumkin. Jo‘natish nusxa ko‘chirishdan faqat shu bilan farqlanadiki, jo‘natish (o‘tkazish) muvafaqqiyatli tugallangach, boshlang‘ich fayllar (yoki kataloglar) o‘chirib tashlanadi. Norton Commanderda jo‘natish (o‘tkazish) xuddi nusxa olishdek amalga oshiriladi, faqat bunda "F5" o‘rniga "F6" tugmachasini bosish kerak bo‘ladi.