Operatsion tizimlar «Informatika va Axborot texnologiyalari»

Muharrir yordamida fayllar tuzish. Agar "Shift"+"F4" tugmachalari kombinatsiyasi bosilganidan keyin diskka unda yo‘q bo‘lgan faylning nomi kiritilsa, bu holda yangi fayl yaratilgan bo‘ladi.

Fayllar va kataloglardan nusxa olish

Norton Commander yordamida fayllardan nusxa olish uchun zarur faylni ajratish yoki fayllar guruhini tanlash va "F5" tugmachasini bosish kerak. Agar panelda qaysidir fayllar tanlangan bo‘lsa (ular disketda sariq rangda, monoxrom displeyda esa kuchaytirilgan yoruqlik bilan tasvirlanadi, bunda panelning pastida tanlangan fayllarning soni, umumiy o‘lchami haqidagi ma’lumotlar bo‘ladi), unda tanlangan fayllar guruhidan nusxalar olinadi, aks hollarda joriy fayldan nusxa olinadi.

"F5" tugmachasi bosilgach, ekran markazida fayl yoki fayllarning nusxasini qaerga ko‘chirish haqida so‘rov paydo bo‘ladi. So‘rovda boshqa (faol bo‘lmagan) panelda tasvirlangan katalogning nomi taklif qilinadi (aniqrog‘i nusxalarni ko‘chirish taklif qilayotgan katalogni nomi taklif qilinadi). Shuning uchun fayllardan boshqa katalogga nusxa olishdan oldin bu katalog boblarining mundarijasini Norton Commanderning boshqa paneliga chiqarish maqsadga muvofiqdir. Unda so‘rovga javob berish uchun "Enter" tugmachasini bosib qo‘yish kerak bo‘ladi, xolos.

So‘rovga javob:

• fayl yoki fayllarning nusxasini ko‘chirish kerak bo‘lgan katalogning nomini kiritish;

• faylning yangi nomini kiritish (agar bittadan ko‘p fayllarning nusxasini ko‘chirilayotgan bo‘lsa, bu nomda * yoki ? simvollari bo‘lishi kerak);

• "F10" tugmachasini bosib yoki "F10" Tree yozuvini ajratib va "Enter" tugmachasini bosib, ekranga joriy diskning katalogida shaklini chiqarish va undan fayllarning nusxasini tushuriladigan katalog tanlab olinadi. Katalogni tanlash uchun uni kursorni harakatlantirish tugmachalari yordamida ajratib olib keyin "Enter" tugmachasini bosish kerak.

Undan so‘ng fayllardan nusxa olishni boshlash uchun "Enter" tugmachasini bosish kerak. Agar fayllardan nusxa olish niyatidan qaytgan bo‘lsangiz "Esc" tugmachasini bosing. Fayllardan nusxa olayotganda ekranga yo‘l diagramma chiqariladi, u nusxa ko‘chirish jarayonini ko‘rgazmali tasvirlab turadi.