Operatsion tizimlar «Informatika va Axborot texnologiyalari»

Fayl va kataloglarni o‘chirib tashlash

Fayllar va kataloglarni o‘chirib tashlash uchun Norton Commander yordamida zarur fayl yoki katalogni ajratib olish yoki fayllar yoxud kataloglar guruhini tanlab olish va "F8" tugmachasini bosish kerak. Bunda Norton Commander quyidagi ob’ektlarni o‘chirib tashlaydi:

• agar panelda qandaydir fayllar yoki kataloglar tanlangan bo‘lsa (ular rangli displeyda sariq rangda va monoxrom displeyda kuchaytirilgan yorug‘likda tasvirlanadi), unda fayllar va kataloglarning tanlangan guruhi chiqarib tashlanadi;

• aks hollarda joriy (kursor ajratib ko‘rsatgan) fayl yoki katalog o‘chirib tashlanadi.

Norton Commander so‘rov chiqarib, sizdan qaysi harakatlarni bajarishni istashingizni so‘raydi. Siz istalgan rejimni misol keltirishingiz mumkin. Ular esa har xil vazifalarni bajaradi. Masalan, "Include sub direktories" rejimi kataloglarni o‘chirib tashlashda ishlatiladi: u ulangan (yoqilgan) paytda kataloglar ularga kiruvchi fayllar va ostki kataloglarning hammasi bilan birga to‘liq o‘chirib tashlanadi. Agar bu rejim o‘chirilgan bo‘lsa, kataloglar olib tashlanadi. Fayllar yoki kataloglarni olib tashlash uchun "D" tugmachasini bosish kerak (yoki "Delete" yozuvini ajratish va "Enter" tugmachasini bosish kerak).