Ona tili ва adabiyotini o’qitish metodikasi

Umumiy tushunchalar: Darsni to’g’ri kuzatish va tahlil qilish adabiyot o’qituvchisida ilg’or tajribalarni qaror topdirish yo’lidir. Kuzatilgan darsni to’g’ri qayd etish va undan muayyan xulosalar chiqara bilish ilg’or pedagogik tajribalarni o’rganishda muhim ahamiyatga ega. Adabiyot o’qitishda texnik vositalar ahamiyati katta. Darsni kompyuterlashtirish, masofaviy ta’limni yo’lga qo’yish ta’limni zamonaviy tarzda yo’lga qo’yishga xizmat qiladi.
Adabiyot darsi uni to’g’ri rejalashtirishdan boshlanadi. O’qituvchi tasdiqlangan dastur asosida har bir sinf uchun o’zi yillik reja tuzishi shart. Yillik rejada o’quv choraklarida o’tkaziladigan darslar, yozma ishlar miqdori aks etishi lozim. Yillik mavzuli rejaga tayanib, har bir soatlik darsi uchun reja-ko’chirma tuzilishi lozim. Unda dars jarayonidagi har bir nuqta, shuningdek, o’quvchilarning imkoniyatlari, o’ziga xosliklari hisobga olinishi kerak. Ko’chirma-rejada o’quvchiga beriladigan savollar aks etishi zarur.
Kerakli jihoz va materiallar: Vatman, proektor, rangli markerlar, doska, skotch, tarqatma jihozlar.
Ishni bajarish tartibi: Adabiyotdan mashg’ulot rejasi va to’rt asosiy shaklga egaligini o’rganing, Darsni umumpedagogik jihatdan tahlil qilganda nimalarga e’tibor berish kerakligini aniqlang. Darsni tahlil qiluvchi o’qituvchining qanday metodik usullarga e’tibor berishi kerakligini taҳlil qiling


4 – Amaliy mashg’ulot. Bir soatlik dars ko’chima rejasini tuzishni o’rganish. Yillik mavzuli reja tuzishni o’rganish
Dars maqsadi: Bir soatlik dars ko’chima rejasini tuzishni o’rganish. Yillik mavzuli reja tuzish bilan tanishish. Talabalarda bir soatlik va yillik mavzuli reja tuzish ko’nikmalarini shakllantirish.

Identiv o’quv maqsadlari:

1. Bir soatlik dars ko’chirma rejasidan foydalanish talablari xususida so’zlaydi.
2. Darsni tahlil qiluvchi o’qituvchining qanday metodik usullarga e’tibor berishi kerakligi borasida fikr bildiradi.
3. Bir soatlik va yillik mavzuli reja tuzishning shakl va usullari to’g’risida gapiradi