Ona tili darslarida taqqoslash metodidan foydalanish Mundarija: Kirish

Ona tili darslarida taqqoslash metodidan foydalanish
Mundarija:
Kirish
I.bob. Ona tili darslarida taqqoslash metodidan foydalanish
1.1. Taqqoslash usulini tilning barcha sathlarini o’qitishda qo’llash mumkin
1.2. So’z turkumlarini o’rganishda taqqoslash usulidan foydalanish
II. Bob. Boshlang’ich sinf darslarida taqqoslash metodidan foydalanish
metodikasi va tajriba sinov ishlari
2.1. Boshlang’ich sinf ona tili o’qitish mеtodikasining asosiy bo’limlari
2.2. Noan’anaviy darsning asosiy yo‘nalishlari
III.Xulosa
IV.Foydalanilgan adabiyotlar

Kirish.
Mavzuning dolzarbligi. O‘zbekiston Respublikasini yanada rivojlantirish bo‘yicha 2017-2021 yillarga mo‘ljallangan Harakatlar Strategiyasining ishlab chiqilish va uning zudlik bilan amaliyotga joriy qilinayotganligi barcha sohalarda amalga oshirilishi lozim bo‘lgan eng dolzarb masalalarni belgilab berdi. Jumladan, ijtimoiy sohani rivojlantirish bo‘yicha qilinayotgan islohotlar, ayniqsa, ta’lim tizimida 11 yillik umumiy ta’limning joriy qilinishi, maktabgacha ta’limning tubdan takomillashtirilishi mazkur sohada zamon talablariga mos yangicha yondashuvlarni ishlab chiqishni taqazo qiladi. Joriy 2018 yilning “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” deb e’lon qilinishi ham jamiyat hayotidagi ko‘plab muammolarning yechimida ta’lim va ilm-fan yutuqlarini amaliyotga joriy qilishni nazarda tutadi. Ona tili va adabiyot o‘qitishni tizimida ham islohotlar birin-ketin amalga oshirilmoqda. Ayniqsa, DTS va o‘quv dasturlarining kompetensiyaviy yondashuv asosida yanada takomillashuvi, kitobxonlik bo‘yicha qabul qilingan qarorlar mazkur soha mutaxassislari, tadqiqotchilar oldiga innovatsion g‘oya va texnologiyalar ishlab chiqib, darhol amaliyotga joriy etish vazifasilarini qo‘ymoqda. “Eng muhimi, zamonaviy bilim va tafakkurga, sog‘lom dunyoqarashga ega, rivojlangan davlatlardagi tengdoshlari bilan bellashishga tayyor bo‘lgan, ko‘zi yonib turadigan navqiron avlodimiz katta ishonch bilan hayotga dadil kirib keloyatgani barchamizni quvontiradi.1 Prezidentimiz Sh.M.Mirziyoyev ham o‘zining “Erkin va faravon, demokratik O‘zbekiston davlatini birgalikda barpo etamiz” nomli asarida birinchi Prezidentimiz tomonidan aytilgan fikrlarga alohida urg‘u berib, shunday deb yozadi: “Farzandlarimiz bizdan ko‘ra kuchli, bilimli, dono va albatta baxtli bo‘lishlari shart!” degan hayotiy da’vat har birimizning, ota-onalar va keng jamoatchilikning ongi va qalbidan mustahkam o‘rin egallagan. Bu sohada olib borayotgan keng miqyosli ishlarimizni, xususan, ta’lim-tarbiya bo‘yicha qabul qilingan umummilliy dasturlarimizni mantiqiy yakuniga yetkazishimiz zarur.