Oliy va о‘rta maxsus ta’lim vazirligi

О‘quv jarayoni grafigida nazariy va amaliy darslar, ta’til, ishlab chiqarish amaliyoti va bitiruv malakaviy ishi yoki yakuniy davlat attestatsiyasi uchun ajratilgan vaqt xaftalarda xar bir kurs bо‘yicha shartli belgilar asosida kо‘rsatiladi.
О‘quv jarayoni rejasida Xalq ta’limiga tegishli maktablardagi yetti yillik (5-11-sinflada tarix darsi) о‘qish jarayonida о‘qitiladigan о‘quv fanlari, har bir sinfdada о‘qitiladigan о‘quv fanlar semestrlar bо‘yicha xaftada necha soatdan va о‘quv yili davomida jami shu kursda necha soat dars о‘tilishi kerak ekanligi kо‘rsatiladi.
Maxsus fanlarni о‘rganishning vazifasi esa о‘qituvchilarning muayyan kasbiy faoliyatida ishlatiladigan yordamchi fanlar, tanlov fanlar tizimi tо‘g‘risida. Ushbu soha bо‘yicha yaratilgan yangi adabiyot va manbalar va ulradagi ilmiy materiallar tо‘g‘risida bilim olishlaridan iboratdir. Maxsus fanlar о‘z mazmuni va о‘quv jarayonidagi о‘rni jihatdan amaliy faoliyat bilan chambarchas bog‘liqdir. Ularni о‘rganish о‘quvchilar zarur nazariy bilimlarga ega bо‘lganlaridan keyingina ishlab chiqarish ta’lim olishlarini nazarda tutadi.
Dars rejasi. Dars rejasi tanlangan shakl va metodlar asosida mashg‘ulotni qanday tashkil etish, uning tuzilishi va mazmunini qanday izchillikda amalga oshirishni kо‘rsatuvchi hujjat bо‘lib о‘qituvchi tomonidan har bir mashg‘ulot uchun alohida-alohida tuziladi va maktabda direktorining о‘quv ishlari bо‘yicha о‘rinbosari tomonidan har bir mashg‘ulotdan oldin tasdiqlanadi. Dars rejasining tuzilishi nazariy mashg‘ulot, amaliy mashg‘ulot, aralash va ekskursiya mashg‘ulotlari bо‘yicha bir-biridan farq qiladi.
Dars matni (konspekti). Dars rejasi va dars matnini tayyorlash о‘qituvchining darsga tayyorlanganligining oxirgi bosqichi hisoblanadi. Dars matni dars rejasida kо‘rsatilgan izchillikda yozilishi lozim bо‘lib, unda о‘quvchilarga yetkazilishi zarur bо‘lgan asosiy tushunchalar, sxema va chizmalar hamda esda saqlab qolishi nisbatan qiyin bо‘lgan ma’lumotlar aks ettiriladi. Bunda о‘quv dasturida kо‘rsatilgan meyordan chetga chiqib ketmaslik talab etiladi.
Dars matni darslik va metodik adabiyotlar, hamda о‘qituvchining ish tajribalari asosida yozilib, dars rejasi bilan bir vaqtda maktabda direktorining о‘quv ishlari bо‘yicha о‘rinbosari tomonidan tasdiqlanadi va dars rejasi va matni bilan о‘qituvchi darsga kiradi.
«O’zbekiston tarixi» fanida talabalar Davlat ta’lim standarti (DTS), о‘quv rejasi va dasturi, о‘qituvchining dars о‘tishi uchun zarur bо‘ladigan barcha hujjatlar mazmuni bilan tanishadilar va ularni ishlab chiqadi.