Marketing dasturi reja

MARKETING DASTURI

Reja:

• 1. Marketing faoliyati sohasida dasturlarni ishlab chiqish
• 2.Maqsadli dastur yondoshishi – marketing dasturining uslubiy asosidir.
• 3.Marketing dasturini ishlab chiqish ketma-ketligi va asosiy bo‘limlari.
• Аsosiy tushunchalar va tayanch iboralar
• Marketing dasturi, marketing dasturini ishlab chiqish, marketing rejasi, marketing dasturi turlari, maqsadli dastur, marketing rejasi va marketing dasturi.

Marketing faoliyati sohasida dasturlarni ishlab chiqish

• Dastur deganda, ijtimoiy, iqtisodiy, ilmiy-texnik ishlab chiqarish, tashkiliy xarakterli, ma’lum bir muddatga bajarilishi rejalashtirilgan, yagona maqsad bilan birlashtirilgan va izchillik bilan amalga oshiriladigan tadbirlar va o‘zaro bog‘liq vazifalar majmui tushuniladi.

Marketing faoliyati dasturlarining 3 ta turini ajratish mumkin:

• Korxonani to‘liqligicha marketing sharoitidagi ishga o‘tkazish;
• Marketing faoliyati majmuasining alohida yo‘nalishlari bo‘yicha va avvalambor, ma’lum tovarlar yordamida aniq bozorlarni o‘zlashtirish dasturlari;
• Marketing faoliyatining alohida elementlarini o‘zlashtirish dasturi. Masalan, reklama kompaniyasini o‘tkazish.

BIZNES REJA

• Tor ma’noda marketing dasturi (biznes reja) hujjat bo‘lib, korxonaning bozorda aniq faoliyat ko‘rsatish tamoyilini ifodalaydi. Marketing dasturi kengroq ma’noda esa korxona imkoniyatlarini bozor talablariga moslashtirishga yo‘naltirilgan tahlil, rejalashtirish va nazorat qilish jarayoni deb qaraladi.
• Marketing dasturlari qisqa muddatli (bir yilgacha), o‘rta muddatli (5 yilgacha) va uzoq muddatli (10 yilgacha va undan ko‘proq) bo‘ladi. Ular umumiy shaklda yoki korxonaning maxsus faoliyatlariga mo‘ljallangan bo‘lishi mumkin.

Marketing dasturlarining turlari

• Muddatiga qarab marketing dasturlari qisqa, o‘rta va uzoq muddatli turlarga bo‘linadi. Ayrim firmalar esa ikki yoqlama dastur tuzadilar, ya’ni uzoq muddatli va qisqa muddatli dasturlar.
• Qamrab olayoigan vazifasiga qarab oddiy yoki maqsadli dasturlarga bo‘linadi.
• Oddiy marketing dasturlari firmani ishlab chiqarish, sotish faoliyati bilan barcha funksiyalarni savollarini echishga yo‘naltiriladi.
• Maqsadli dasturda esa yangi mahsulot ishlab chiqarish yoki segmentni o‘zlashtirish, firma siyosatini rag‘batlantirish samaradorligini oshirish kabi muhim vazifalarni amalga oshirishga qaratiladi.
• Ob’ektiga bog‘ligiga qarab marketing dasturlari mahsulotlar bo‘yicha va ishlab chiqarish bo‘limi bo‘yicha bo‘lishi mumkin.