Oliy va о‘rta maxsus ta’lim vazirligi

О‘zbekiston Respublikasi Oliy va о‘rta maxsus ta’lim vazirligi Nizomiy nomidagi Toshkent davlat pedagogika universiteti “O’zbekiston tarixi” kafedrasi “O’zbekiston tarixi” fanidan Sirtqi (maxsus sirtqi) bо‘lim talabalari uchun sessiya oralig‘i nazorat ishlari TО‘PLAMI Toshkent-2022 y.

«TASDIQLAYMAN»
Nizomiy nomidagi TDPU
о‘quv ishlari bо‘yicha prorektori
____________ _______________


SIRTQI (MAXSUS SIRTQI) BО‘LIM TALABALARI UCHUN FANLARDAN SESSIYA ORALIG‘I NAZORAT ISHLARINI
TAYYORLASH TARTIBI

Sirtqi (maxsus sirtqi) bо‘lim talabalari tomonidan bajariladigan sessiya oralig‘i nazorat ishlari kunduzgi ta’lim shaklida ta’lim oluvchi talabalar bajaradigan oraliq nazorat ishlaridan farqlanadi. Kunduzgi ta’lim shaklida о‘quv rejasidagi fanning ma’lum bob, bо‘lim yakuni bо‘yicha bir yoki ikki oraliq nazorat ishi olinsa, Sirtqi (maxsus sirtqi) bо‘lim talabasi esa bir sessiyadan ikkinchi sessiyagacha muayyan fan bо‘yicha о‘tiladigan boblar, bо‘limlar, mavzular yoki tо‘la kursni ishlab chiquvchi amaliy topshiriqlarni turli shakllarda bajarishlari rejalashtiriladi.

Sessiya oralig‘i nazorat ishlarining maqsadi talabaning sessiya oralig‘ida muayyan fan bо‘yicha tо‘liq tayyorgarligini ta’minlash hamda yakuniy nazoratga tayyorlashdan iborat. Sessiya oralig‘i nazorat ishlari asosiy baholash ishi vazifasini bajaradi va har bir fan bо‘yicha 70 maksimal ballni tashkil etadi. Fanning boblari, bо‘limlari va mavzulari bо‘yicha berilgan topshiriqlarning hajmi va mazmunini e’tiborga olgan holda oraliq baholash uchun ajratilgan 70 ball о‘zaro taqsimlanadi.
Sessiya oralig‘i nazorat ishida fanning barcha bо‘limlari mazmuni qamrab olinadi va ular turli mustaqil ish (nazorat savollari va topshiriqlari, test-sinov savollari, keyslar, mashqlar, misol va masalalar, tajriba natijalari, ishlab chiqarish muammolarini hal etishga yо‘naltirilgan maxsus metodik ishlanmalar va tavsiyalar, hisob-jadval ishlari va boshqalar) shakllarida bajarilishi kо‘zda tutiladi. Shuningdek, nazorat ishida qо‘yilayotgan har bir nazariy va amaliy masala talaba-о‘qituvchining amaliy faoliyati bilan bog‘lanishi hamda pedagogik va axborot texnologiyalaridan foydalangan holda shakllantirilishi lozim.
Sessiya oralig‘i nazorat ishlarida fanning har bir bobi yoki bо‘limi alohida mustaqil ish turini qо‘llashdan iborat topshiriqlar tо‘plami belgilanadi. Uni quyidagi namuna bо‘yicha tuzish mumkin:
1. Fan bо‘yicha har bir mavzu mazmunini yoritib beruvchi savollarga javob yozish. Bunda har bir mavzu bо‘yicha aniq savollar rо‘yxati tuziladi (har bir variantda 3 tadan savol bо‘lishi mumkin).
2. Har bir fan bо‘yicha test-sinov savollarini tavsiya etish. Bunda fan bо‘yicha test-sinov savollar bazasi tayyorlanadi. Test-sinov savollari yozma shaklda hamda kompyuter texnologiyalari orqali nazorat qilishga mо‘ljallangan bо‘lishi lozim (test-sinov savollari har bir variantda 30 tadan kam bо‘lmasligi kerak).
3. Har bir mavzu bо‘yicha keys-stadi texnologiyasi asosida topshiriqlar tо‘plamiga javob berish. Bunda mavzu bо‘ycha muammoli keys topshiriqlari tayyorlanadi.
4. Fanning о‘ziga xos xususiyatidan kelib chiqib, mashqlar, misol va masalalar tо‘plamini tayyorlash.
5. Talabaning amaliy faoliyati bilan bog‘liq tajriba ishi vazifalarini bajarish. Bunda talabaning kasbiy faoliyati bilan bog‘liq tajriba о‘tkazish mavzulari banki yaratiladi.
6. Talabaning о‘z kasbiy amaliy faoliyati tajribalari asosida metodik ishlanmalari va tavsiyalarini tayyorlash va bayon etish.
Sessiya oralig‘i nazorat ishlari topshiriqlari har bir fanning о‘ziga xos xususiyatlarini hisobga olgan holda ishlab chiqiladi. Fan bо‘yicha sessiya oralig‘i nazorat ishi har bir talabaga individual variantdan iborat bо‘ladi hamda kafedra tomonidan Sirtqi (maxsus sirtqi) bо‘limga elektron variantda taqdim etiladi.
Sirtqi (maxsus sirtqi) bо‘lim talabasi tomonidan bajarilgan sessiya oralig‘i nazorat ishlari о‘quv sessiyasiga kelgan paytning birinchi kuni “Sirtqi (maxsus sirtqi) bо‘lim”ga taqdim etiladi va rо‘yxatdan о‘tkaziladi. Taqdim etilgan sessiya oralig‘i nazorat ishlari kafedra mudiri raisligida komissiya tomonidan baholanadi.
Fan bо‘yicha yakuniy baholash uchun test savollari bazasi (kamida 200 ta) tayyorlanadi va Sirtqi (maxsus sirtqi) bо‘limga elektron variantda taqdim etiladi. Taqdim etilgan test savollari yozma shaklda hamda kompyuter texnologiyalari orqali nazorat qilishga mо‘ljallangan bо‘lishi lozim.


(Mazkur «Sirtqi (maxsus sirtqi) bо‘lim talabalari uchun fanlardan sessiya oralig‘i nazorat ishlarini tayyorlash tartibi» Nizomiy nomidagi Toshkent davlat pedagogika universiteti huzuridagi pedagogika yо‘nalishlari bо‘yicha Sirtqi (maxsus sirtqi) bо‘limlar tashkil etilgan oliy ta’lim muassasalarining о‘quv-metodik faoliyatini Muvofiqlashtiruvchi hamda Toshkent davlat pedagogika universiteti tayanch bо‘lgan kafedralar Kengashining 2018 yil 8 yanvardagi 2-sonli qо‘shma yig‘ilishi bayoni bilan ma’qullangan).