Oliy va o‘rta maxsus ta’lim vazirligi o‘zbekiston milliy universiteti

Terminologik lug‘at—ma’lum bir sohaga oid so‘z-terminlarni qayd etuvchi lug‘at

Til oilasi — o‘zaro o‘xshashliklari kelib chiqish asosining umumiyligi bilan izohlanadigan tillar guruhi: Turkiy tillar oilasi.

Tovush almashinuvi — morfema ifoda planidagi ayni bir tovushning turli holatlarda boshqa tovush bilan almashinuvi: ong-angla, yurak- yuragi kabi.

Uslub — til unsurlarining ma’lum vazifa bajarishiga bog‘liq holda birlashadigan, til birliklarining o‘zaro tanlanishi, birikishi va shu kabilar bilan ajralib turuvchi tizimlar: Til uslublari. Funksional uslublar.

Uslubiyat — til birliklarining uslubiy imkoniyat va xususiyatlari, funksional-uslubiy, emotsional-ekspressiv bo‘yog‘i, shuningdek, nutqda til vositalarini maqsadga muvofiq tarzda tanlash va qo‘llash haqidagi ta’limot.

Fleksiya — bir necha grammatik ma’noni bir yo‘la ifodalaydigan shakl yasovchi morfema (rus tilshunosligida “okonchaniye” deb yuritiladi). O‘zakning morfonologik o‘zgarishi.

Flektiv til — grammatik ma’nolar fleksiya yo‘li bilan ifodalanadigan tillar kiradi. Bunda birdan ortiq grammatik ma’no birgina grammatik ko‘rsatkich orqali ifodalanadi: rus tilidagi kniga so‘zi tarkibidagi –a qo‘shimchasi jinsni (jenskiy rod), bosh kelishikni, birlik sonni bildirib kelgan. Flektiv tillarga hind-yevropa, semit, xamit tillari kiradi.