Oliy va o‘rta maxsus ta’lim vazirligi o‘zbekiston milliy universiteti

Mashina tarjimasi — matn (tekst)ni berilgan dastur asosida electron mashinalar yordamida bir tildan ikkinchi tilga avtomatik tarjima qilish.

Maqol — chuqur ma’noli, tuzilishi gapga teng, alohida ritmik-melodik xusu-siyatlarga ega bo‘lgan folklor janri. Maqollarda xalqning ko‘p yillik tajribalari, hayot hodisalarining ma’lum bahosi (unga munosabat) aks etadi: Daryo suvini bahor toshirar, odam qadrini mehnat oshirar.

Milliy til — millat bo‘lib shakllangan jamoaning umumiy tili. Monolog — so‘zlovchining o‘ziga qaratilgan, boshqa shaxsning tinglash va javob berishini e’tiborda tutmaydigan nutq.

Morfema — tilning ma’noli, boshqa ma’noli qismlarga bo‘linmaydigan eng kichik birligi. Asosiy xususiyatiga ko‘ra, morfemalar ikki turga bo‘linadi: 1) leksik morfema; 2) affiksal morfema. Mas., ishchi so‘zida ikki morfema bor: ish va chi – affiksal morfema.

Morfologiya — 1. So‘z shakllari haqidagi Grammatik ta’limot. Morfologiya sintaksis bilan birga grammatikani tashkil etadi: O‘zbek tili leksikologiyasi va morfologiyasi. 2. Tilning morfologik qurilishi: O‘zbek tilining leksikasi va morfologiyasi.

Nutq — 1. Tilning amaliyot shakli, voqelanishi; so‘zlovchining til vositalaridan foydalanish jarayoni va shunday jarayon natijasida yuzaga keladigan hodisa. 2. Nutqning kommunikatsiya maqsadi va sharoitiga qarab leksik va grammatik vositalardan muvofig‘ini saylab ishlatish bilan xarakterlanuvchi turi: Rasmiy nutq. So‘zlashuv nutqi.

3. Sintaktik ifodaning turi: Muallif nutqi. O‘zga nutqi.