Oliy va o‘rta maxsus ta’lim vazirligi o‘zbekiston milliy universiteti

Gap — til qonunlari asosida grammatik va ohang jihatdan shakllangan, fikrni ifodalash uchun xizmat qiladigan nutq birligi.

Glossariy — biror asar, ayniqsa qadimgi asarlardagi eskirgan va kam qo‘llanadigan, tushunilishi qiyin bo‘lgan so‘zlar izohlanadigan lug‘at. Dialektologiya — tilshunoslikning dialekt, lahja va shevalarni o‘rganuvchi bo‘limi.

Dialog— suhbatdoshlarning bevosita bir-biriga qaratilgan nutqi.Nutqning bu turi o‘ziga xos bir qator belgi-xususiyatlarga ega. Mas., uning sintaktik qurilishi nisbatan sodda bo‘ladi, har bir shaxsning gapi odatda qisqa bo‘ladi.

Yozma nutq — nutq tovushlarini maxsus grafik belgilar vositasida yozish bilan ifoda etiladigan nutq.

Yozuv — nutqni qog‘ozda (yoki boshqa narsada) aks ettirish uchun xizmat qiladigan harfiy grafik shakllar tizimi, shu tizimga asoslanuvchi aloqa vositasi.

Juft so‘z — mustaqil leksik ma’noli yoki leksik ma’noga ega bo‘lmagan ikki qismning teng bog‘lanishi asosida tashkil topib, umumlashtirish, jamlik kabi ma’nolarni ifodalovchi so‘z; so‘zning juft shakli. Juft so‘z qismlari o‘rtasidagi to‘xtam (pauza) qisqa bo‘ladi: baxt- saodat, xat-xabar, yaxshi-yomon, bog‘-rog‘ kabi.

Ilmiy uslub — funksional uslubning bu turi terminologik va mavhum leksikaning, murakkab sintaktik tuzilmalarning qo‘llanishi, so‘zlarning asosan konkret, to‘g‘ri ma’noda qo‘llanishi, maxsus iboralarga egaligi va sh.k. bilan ajralib turadi. Ilmiy uslub o‘z ichida quyidagi mayda uslublarga bo‘linadi: ilmiy-texnik uslub, ilmiy-ish uslubi, ilmiy- ommabop uslub, ilmiy-publitsistik uslub.